من صار طيّب او حليمٍ وصبّار

[الطائر المهاجر]

http://up.ftahilah.com/up/uploads/Mine/minSar6yiab.rm



من صار طيّب او حليمٍ وصبّار = يجيه من يستضعفه ثم ياطاه
امن العقول اللي بها دوم يحتار= مهما يقدّرها تخيّب لهقواه
يضطرّ يقلب كنّه السبع لا غار= يهجم ولا فكر بحصني ولا شياه
الحلم له حده اذا شفت من جار= ورجل بلا ثوره مثل بوم وحداه
ومن كان في ظنه خبيثٍ ومكار= ياسرع مايكشف وتعرف نواياه
وما كل رجل رجل لو كان بيطار= بنظم القوافي موهمٍ من توحاه
لا من سمعته قلت شهمٍ ومغوار= ولا من نظرت الفعل بانت خفاياه
حطه على يسراك من بين الاصفار= ولو كان جده فارسٍ فـ الملاقاه
سبحان من يبّس غصونٍ بالاشجار= ومن يخرج الميت من الحي ينعاه
وسبحان من ميّز رخومٍ وأحرار= حتى تعرف البوم من بعض ممشاه
فالحر ماهو من تخبى ورا دثار= كالسيف حده ما حسب من تحداه
مادام خطه واضح بكل مشوار= يفادي بروحه ما يفرط بمبداه
دنياك يابن آدم مثل جسر عبّار= والعاقل اللي عارف وين ماطاه