حبيبي لاتعذبني(بالصوت)

[الطائر المهاجر]

القاء بصوتي
http://up.ftahilah.com/up/uploads/Mine/7babyLat3b.rm


حبيبي لا تعذّبني بدمعٍ يحرق المقهور= زمن غدّار باعدنا بدنيا حكمها قاسي
اخاف الدمع لايجرح خدودٍ كنها البلور = ومن حزنك على حزني تزيد الهم واتعاسي
تمهل لاتعاتبني وخذ منّي النصح والشور = هي الأقدار تحكمنا بلاشك وهوجاسي
انا مافي يدي حيله مثل حالك ترى مجبور= فليتك تمسح دموعٍ تعذّبني بلا قياسي
انا وانتي ضحية وقت يمنع آصلك بالنور= ولاني من طيور الليل ماهابت للادناسي
تدوّر مسرحٍ ترقص عليه برقصة الدبور= اذا منه نوى يمتص ورده ريقها احساسي
تجيد العزف والتمثيل ما تخطي بضبط الدور= وكلٍ حافظٍ للنص ما يحتاج كرّاسي
واذا من انتهى دوره يجي غيره يضف قشور= من اوراق الخريف اللي تساقط عند الافلاسي
تعالي مقدر فراقك ولو غبتي ثلاث شهور= احسّ بها ثلاث سنين من قهري ووسواسي
اخاف من الهوى يسرق شعورك مايراعي شعور= فانا محتاج لك وانتي ترى من دون حراسي
تعالي وامسكي يدّي فانا في عزلتي مهجور= اصيّح مير من يسمع يرد الصوت لارماسي
على جسر الأمل نعبر لراس البحر لو مبتور= عن الأعماق ما يدري بما فيها من الماسي
تلفه غابة سودا وحوله برزخٍ محفور= والغامٍ واشواكٍ تستر باجمل لباسي
يضيع النور في دربي وفي دربك انا مسحور= ونا وياك في حيره ندور باق الاجداسي