" عقلي راح بالمرّة ",,

[علي ال شيبان]

المترف اللي غلبني للولي درّه =يدري بجرحي ولا ينشدني .. شلونه
سميته الأمس لأجل بجوفي أصره= سميته الهمس لأجل إن غاب تطرونه
ما قلت أسميه كل العمر لو سرّه=اخشى يخلد هنا وموت من دونه
طفلٍ قطفه الزمان الطيّب وثرّه=علمني شلون اغيب انسان واكونه
له ضحكةٍ مثل غيره كاذبه حرّه =وش فرقها كود من ثغره ومن لونه
واحس ماشفت ماعلمني بسرّه=مافيه غير السيوف وربه يصونه
ماله بني عم للوله ياكثر شره=ماله بني خال لوله كان يبكونه!
ليته خطايا واْعيد بدربه الكره=ليته منايا واقول البعث بردونه
كيف أوصفه لامشى والأرض محتره=أخاف لامعنت في وصفه تحبونه
وبليله اسري لشوفه واتبع الجره=القاكم الغيبته عنكم تلومونه
لكني ألوذ باللي ماغفى مرّه =واكتب تكبر على عبده ومجنونه
وليا صدفني وانا اللي بالزمن غرّه=لوله مرايا تغره نظرة عيونه
اقول لا من صدفني ملبسه زره=ماهي غريبه جميل ويستر فنونه
بس الغريبه اروح هناك ويجرّه =وراه والقى جنون الأرض يتلونه
هو راد قتلي بسيطه يفضح الغره=وان راد وصلي بسيطه صحت ياعونه
وان كان قصده كذا حلوه على مُرّه=فانا اببقى كذا مشتاق وآخونه
وأدري بعضكم يقول إن الفتى ضرّه=عشق الحبيب وغدى عقله على هونه
لكني آقول : عقلي راح بالمره=واكبر دليل اسمعوا نوحي من طعونه
" البارحه يوم كلٍ والمدى جرّه=ياركب اللي , وشفت البنت مزيونه "