راح فارسنا وطي ؟!

[يوسف الشقران]

بعد التحيه :




للعقول قبل القلوب .....





راح فارسنا وطي والمرجلة راحت مراحه=منهو فارسنا انا ولا انت ؟! والكلمه فصيحه؟!
دايم الاصلاح يبدا لو تكلمنا بصراحه= لو بدينا بالصراحه في اماكنها الصحيحه
لو بدينا بالنوايا دون تجريح و وقاحه = واعترفنا بالخطايا واستمعنا للنصيحه
لو نبذنا الطائفية والعروبه والقباحه = لو تركنا نزعة القومي مثل ماهي قبيحه
لو نسينا الكره والاحقاد والوان الإباحه=لو تعلمنا نخلي كل نعرة مستريحه
لو نصيغ آمالنا أهداف في حكمه وراحه=واستشفينا الضيا وان كانت أنواره شحيحه
والتفتنا بس للإشراق في دين السماحه= كانت العزه تبي توقفلنا لوهي طريحه
كان عشنا الانهزام وماقلبناها مناحه= ننتبه وين الخطا وعن دربنا لازم نزيحه
من يهمه جرح ميّت لو نغيّر باصطلاحه= حلل وحرّم سوا مترديه ولا نطيحه
قل اعملوا بس اعملوا يكفي واقعنا تناحه= طاح فارس من زمان وللأسف طول مطيحه
لو بدينا صح يمكن تبتدينا الانصلاحه= يمكن انوار الكرامة تشرق بصوره صريحه



وتسلمون .



تحيتي