يضحك علي ابو رجة

[ناصر عبيد الهواوي]

آخر زمن يضحك علي ابو رجة=وانا بعد ماهمني ضحك مرجوج
مرة يضيعها ومر يتوجه=ونوبة يركدهن ومرٍ يجن هوج
احدٍ يجي حكيه دليلٍ وحجة=وحكيٍ سمج في كل الاذواق ممجوج
يقول هالددسن بدايات دجة= واقول وادبلي من علومك العوج
يارب من شر الصواديف نجه=دايم كلامك يافتى الجود مسموج
آخذ عليها يافتى الجود سجة= بين العريق وبين ابانات ابا ادوج
اهج عن جمعة هل الهذر هجة=ماهم صفاه بغيبة الناس مرهوج
ولا اجلس بمجلس فيه نمة ولجة=وشذب القفا مع كثرة الكذب ممزوج
واصك باب القول وارجع واهجه=وتلفي وروده مثل جوجٍ ماجوج
وتارد على قلبي همومٍ تخجه=تقسي عليه احيان وتوافقه نوج
واسس على الواضح وبيضاء محجة=ولا اعقد صفقاةٍ على غير منتوج
بعض الخيال يضيع رشه بعجه=والهرج ما ينشي عمارات وبروج