دار الزمان ودار

[ناصر عبيد الهواوي]

على راس عاشر يوم دار الزمان ودار=تذكرت من يرسل وصايا يخاصمني
وانا مانسيته بس مرتبكة الافكار=وعقلي عقل حر آخر الليل علمني
يقول انت وش سويت ياطيب الاذكار=ودريت ان به شيٍ من اجله يعاتبني
ورجعت لملف بمكتبي يحفظ الاسرار=من اجل القصيدة يعقل انه يحاسبني؟
وصارت خلايا المخ في حالة استنفار=ولاشفت علمٍ شين فيها صدر عني
وانا فيٌ طبعٍ زين والا الطبوع كثار=ماحب الردية تاصل لصاحبي مني
اذري رفيقي عن لهيب السموم الحار=وعن البرد في فصل الشتا اصير له كن ِ
واشيل الخطايا منه لوهن يجن كبار=وادور له الاعذار واحسن به الظن ِ
اذاهو كبير اقول والد وانا له بار= واذاهو صغير اقول اخوي وعديل ابني
واراجع كلامي خشية المنطق العوار=وعلوم النقيلي عنه ابد مايهمني
وادقق حكاي وكل جابة لها معيار=ولو قلت انا كامل هل العرف تنقدني
ولانيب شاعر مير بليت بي الاشعار=عبارات صح لسان من قال . غرني
ولو بالردود احد ٍ كتب يطلب استفسار=عن اسباب ماقلته ؟هواجيس زارني
خواطر تراودني وتطري علي امرار=عوالق بذهني للذي قلت جرني
كما طيف عابر مرني تالي النهار=بنفسي هموم وكل ما ادله تعاودني
لله الكما الواحد الماجد القهار=اساله بواسع رحمة ٍ منه يشملني