عرب مي ...!!

[سلطان العطاوي]

لا تعتذر ما للعذر يا بعد حي = داعــي وحــنا كلّـــنا عاذرينك
أنا وقلبي والمعاليق والضي = اللي على ذمة بقايا حنينك
وش علمك بالشمس يا معانق الفي = يومك بري وش فــ / الليالي تدينك
عمرك ورى العقدين يالمترف شوي = تكبر ويكبر بك دلع والدينك
غنيت لك يا ليتني من عرب مي = وأثرك ما تعــرف يسارك يمينك
خليتني وأقفيت والمشكله هي = دلعك يالمـــترف وموال زينك
واليوم جاي وخابرٍ ما حصل لي = ياقو قلبك لا ويا قو عينك
دام الكرم خصله ومن حاتم الطي = خذها ويكفينا العوض من يدينك
وما دام عذرك شي ومشاهدك شي = خذها ويكفينا العوض من يدينك