كلميني

[نجم الإبداع]

يالي تواعدني وتخلف وتوحي= في كل مره ليه ماتحتريني
مابي سوى صوتك وطيبك يفوحي = من خلف الاسوار البعيده يجيني
يالي انكتب حبك ورسمك بلوحي =وراك بين اهل الهوى تحتويني
يامالكه قلبٍ لودك نصوحي = في غيبتك بينه معارك وبيني
لاتتركيني بين همي ونوحي = وانا معنى بالهوى كلميني
صدى البلابل في صدى صوت روحي=وانتي صدى صوتك صبى صب صيني
ماصوب الخافق سوى ورق دوحي =بين المشاعر صاغ لحنه شجيني
طربت يوم الحرف بانغام بوحي= ساق السهام وصاب داخل كنيني
انا دخيل الصوت لاجاء سموحي =والهمس خلف الحنجره مستكيني
ياقوس حفناوي زهى بالصروحي=لمسة شويماني بلحنن هجيني
البحه الي نقضت بي جروحي = ماجست الا سلك حبل الوتيني
سلّمت لك قلبي ومكبح جموحي=انا اسيرالحب لاتهمليني