طال نومك

[عبدالعزيز البليهد]

طال نومك ..! ثر بحملك واقدره=لا انت حي ولا انت ميت..! ماتثور



يامنازل عز ,, يا اما المقـــــبره =موت عز ,, ولا حياة بالثـــــــــبور



ماخلقت لعرش ملكٍ تنطــــره !!=ولا يعيش الحر بأفضال الطــــــيور



لا تلوم الناس من حولك شره=كل شخصٍ له هموم ,, وله سرور



يا نصيبي كل حيٍ وقــــــدره =الزمن مابه على العاقل دبــــــور



من غرس يجني مع الوقت ثمره=المعالي حصّله رجلٍ صبــــــــــور



الله اللي كل رزقٍ قــــــــــدّره=الهمم ماهي سواء والعلم نــور



لاتقول فلان جده ومّـــــــــره=دام سيد الحايمات من النسـور



الاوادم ماتقدم بصــــــــــوّره =والذهب مهما تقادم ما يبــــــور