لو بيدي !!

[فارس القوافي]

لو بيدي ما تركت احباب قلبي لو دقيقه = بسّ حظي والقدر والناس والأحلام ضدي
كل شيٍّ في حياتي كذب ما مسّ الحقيقه = وكل دمعه في عيوني ما تطيح إلاّ بخدي
ما لقيت انسان وافي يمسح الدمع ويعيقه = وما خبرت الحب كلمه في شفايفها تعدي
ليت حبي ما عرفني ولا عرف قلبي طريقه = بس لي قلبٍ عنادي وين ما يبغى يودي
ساقني في بحر غامض غصت وجروحي عميقه = اشرع بجهدي واصارع كل امواج التحدي
ياشروق الشمس وينك اشرقي ليلي ماطيقه = احرقي شمع المحبه وافضحي سري وسدي
وش بيدي دام قلبي ما عرف منهو عشيقه = والوجوه الّي تقلّب يوم تبعد يوم حدي
والحبيب الّي عرفته ما درى منهو صديقه = باعني في وقت حاجه وابتعد عنّي وشدي