مركب الهند

[اسير البدر]

يامركب الهند جيتك رابط حزامي=تايه بدنياي وابغى لي معك مقعد
البرد فيني وحر القيظ قدامي=والقلب في حزة الراحه بدا يزهد
اسوق رجلي وفكري بالهدف سامي=والغيم كذاب لو برق السما رعّد
من يسأل الوقت عن شكلي وهندامي=لايحسب انه بكفه بالعطا ممتد
من قال للحظ خلك بالنظر عامي=من قال للجفن ودع لذة المرقد
من علم الوجه يعشق ماضي ايامي=من قال للحزن يسكن في طرف ذا الخد
هذا هو الوقت ياناشد عن اخصامي=من يوم عرفي وانا وياه جزر ومد
والحمدلله عزمي يجبر عظامي= ون وقف الوقت في وجهي يصير ازود
لكن مدامك معي يابلسم الامي=يافتنة العاشق اللي هام بك وابرد
يامنتهى الحسن ياموسوعة الهامي=ياحرف شعر لما ناديت له غرد
يادوحة بك تزين حزمي الضامي=ثم صار لهل الهوى من عقبنا مقصد
باسير دنيا غرامك حامي بحامي=ومهما يقولون لله ماعلي من حد
هذا اعترافي وهاذي بصمة ابهامي=ون كان يبغون عشري فالبساط احمد
عاهدت ربي وانا في شهر لصيامي=وباروح واعاهده عند الركن لسعد
انك حبيبي غرامي عشقي السامي=مادمت مجحود وابوي اسمه محمد
ومادام راسي تشيله في السما اقدامي=ومادامني لنتخيت اقول (اخو احمد)
ون كان جا دونها حساد واخصامي=وصارت علي مثل نجم في السما وابعد
فقبلي ترا قد نطقها فيصل اليامي=ربعي لما شانت احوالي تقول اشتد