سلاااام الله ياقلب يعاني

[شجون القصيد]

..

...



سلام الله ياقلبٍ يعاني = على درب المحبه دوم عاني
الا منه تذكر مامضى له = خطير انه يوّصله الجناني
اعيد الورد واقرا واتجلد = واحس اني على ذكراه فاني
ألا وجدي عليه ووجد قلبي = وجود اللي يحدنه ثماني
قريص وفاقدٍ ربعه وناسه = ودمعاته على خده هتاني
تلادي له ضباع البر جوعى = وطير الموت طوّح بالمكاني
يفكر في صغارٍ فاقدينه = وشيخٍ هو عضيده بالزماني
وخلٍ قد تيتم في حياته = ولا له في زمانه حي ثاني
انا مثله بوجدي ياحبيبي = اعاني يوم شوقي بك رماني
عليك من الوله يانور عيني = انوح وكل من حولي هجاني
نظيري بأزرق الدمعات كنه = لهيب النار من هم المحاني
عذولي فيك مايفرح عذولي = ولا اسمع من قريبي لو شناني
ختمت القلب في شرع المحبه = عطيتك فيه دستور وضماني
حرامٍ لو طرا له شخص غيرك = فهو موتي من الدنيا خذاني