عمرك تهورت وحبيت تكتشف مدينه الرياض وضواحيها ؟؟

[كماند]

يا هلا ومرحبا بالجميع

طبعاً هذا الموضوع إرتجالي يعني ما عندي شيء معين بس هذي فكره في بالي من زمااااان ولا سويتها وشاركوني فيها :


كتب التاريخ تقول بأن الدرعيه تمتلك تاريخ طويل وحافل بالحروب

عمرك رحت لدرعيه ؟؟

إذا كان الجواب نعم ( ماذا لفت نظرك )

إذا كان الجواب لا ( ماذا تنتظر مع العلم بأنها لا تستغرق ربع ساعه لسكان شمال الرياض )

-----------------

طيب المزاحميه + نزله ( الزديه ) <=== مدري صح الإملاء أو غلط المهم ذيك الدحديره إلي تروع جنوب غرب الرياض

---------------

عمرك رحت لبنبان وشفت بيوت طين ؟؟

إذا كان الجواب لا فـ حاول إكتشاف المنطقه ولكن أنتبه ولا تقد سيارتك ليلاً

لوجود حفر كبيره قد ( تبتلع السياره بمن فيها بكل سهوله )

--------------

طيب وش فيه غرب الرياض ؟؟

ذا المنطقه ماقد رحت لها بصراحه يعني ماعندي أي معلومه ولا أي نصيحه فنيه

وإذا أحد عنده شيء يعطينا معلومات

------------

شرق الرياض ( بعد أستاد الملك فهد الدولي )

أمممممممم ما أنصح إنكم تروحون هناك لأن ما فيه إلا الجنادريه وقبلها سوق البعارين

طبعاً أنا ما قلت إنه ما ينفع إن الواحد يحط له مخيم بس بعد الجنادريه لأن شرق الرياض مافيها أثار أو معالم تاريخيه

------------

وسط الرياض

وين ما تروح تشوف لوحه تقول وسط الرياض وأنت ما تدري وين وسط الرياض فيه

منفوحه + الشميسي = من أقدم أحياء مدينه الرياض مجرد الذهاب لتلك المنطقه ستجد منزل من طين و جاره الملاقص له من طوب وخرسان

أحياء شبه مهجور أستولت عليها العماله الأجنبيه وحولتها لأوكار فساد ( وإلي تابع حمله الجوازات راح يمسك راسه )

---------

في الختام

أستغل هذه الفتره وسافر داخل مدينتك وأكتشف معالمها لأنك لا تعلم ماذا تحتوي


إحترامي

كماند