حرف وشعر
26-12-2009, 06:28 PM
ياطفلة شبت علـي جـادل الليـل=في جو مدلخ بالركـوم العسافـي
تبغي تحـاول مـع الليـل قنديـل=وتشعلله بالفـم لـي صـار طافـي
فزعا تنادي بالعجـل يمـه السيـل=خجلا تـواري حسنهـا باللحافـي
شهلا عليها من امسـوح المناديـل=خد الخدلج يسحـر العيـن صافـي
صدر توازن بالحسن وافـي الكيـل=نحر نحر قلبي وانـا فـي مطافـي
ناظرتها بالحيل وماعاد بـي حيـل=وشراع قلبي بين مـوج المرافـي
سبحان من صورك ياضبية الغيـل=فتـان حسنـك للقلـوب الرهافـي
ياليتني ماشفـت ذيـك الخلاخيـل=لي خلخلن ماكـان بالقلـب خافـي
لأجلك كتبت الحرف والقاف والقيل=وابدعت من عذب القصيد القوافـي
ولأجلك ترنم خاطـري بالمواويـل=وغنت لي الورقاء بروس السوافي
ولأجلك اعيون الصب ترخي هماميل=وتشكي افراقك للسنيـن العجافـي
تبغي تحـاول مـع الليـل قنديـل=وتشعلله بالفـم لـي صـار طافـي
فزعا تنادي بالعجـل يمـه السيـل=خجلا تـواري حسنهـا باللحافـي
شهلا عليها من امسـوح المناديـل=خد الخدلج يسحـر العيـن صافـي
صدر توازن بالحسن وافـي الكيـل=نحر نحر قلبي وانـا فـي مطافـي
ناظرتها بالحيل وماعاد بـي حيـل=وشراع قلبي بين مـوج المرافـي
سبحان من صورك ياضبية الغيـل=فتـان حسنـك للقلـوب الرهافـي
ياليتني ماشفـت ذيـك الخلاخيـل=لي خلخلن ماكـان بالقلـب خافـي
لأجلك كتبت الحرف والقاف والقيل=وابدعت من عذب القصيد القوافـي
ولأجلك ترنم خاطـري بالمواويـل=وغنت لي الورقاء بروس السوافي
ولأجلك اعيون الصب ترخي هماميل=وتشكي افراقك للسنيـن العجافـي