نافخ الريش

[الـزلـزال]

بسم الله الرحمن الرحيم

أسعد الله اوقاتكم بكل خير

بوح متواضع أتمنى أن ينال استحسانكم

( نافخ الريش )



ننصحك وأنته نافخ الريش عالي = والكل من حولك يدور على الريش

لومنت يالمزيون نرجيك غالي = ماقلت لك يازين بشويش بشويش

لكن أشوفك تهتني كل حالي = ماتدري أن الزود دايم معه طيش

وماتدري أنك لو تعلى العلالي = لازم يجي لك يوم لوكان لك جيش

لازم تطيح وكل منهم يلالي = يقفون والي صلب يوقف معه خيش

يلم ماأقفت به علوم اليالي = ويلم باقي مانثرته من الميش

أن كان ودك ترتفع لك غوالي = أبعد عن الي يرتجي لقمة العيش

ياكل ويشبع ثم يتْرك خالي = وتصيح نادم تتبعك كلمة الليش

ليش الهنا يمي مقفي ومالي = وليش الحرس قاموا على الباب تفتيش

وليش القهر بالقلب يمي وجالي = وليش الهوى قاصر معي دوم مايعيش

جاتك علومي يوم شفتك تلالي = وتقول مالي فيك مادام لي ريش