الآمـــــــــال

[عبدالعزيز البليهد]

اعزائي الفطاحله اسعد الله اوقاتكم بعد غياب لظروف خاصة اطرح هذه المتواضعة

امل ان ترتقي لذائقتكم




لولا رجاء الله ماتلمست الامــــــال = ولا افترشت الهم والضيم ليـــــله

ولا لبست الصبر لولاه لو طـــــــال= ولاطويت لشعر ليلي جديله

من في يده تبديل حالٍ الى حال = لاحيل من دونه لحيٍ وحيله


لولا المحل والجوع والفقر ماطال = فيها كريم اســــــبال جود وجميله

ولولا الدهر والهيس الاربد والانذال = ماكانت الدنــــــــيا بحاتم وخيله

باسم الذليل ارجيه وعيون الاطفال = اللي تغورق بالبرائه كـــــليله

وباسم الحنـون اللي على خدها سال = احر من جمر الغضى تشتكي له
يلطف بحال مالها عزم وحبال = ناسٍ ضعوفٍ مايجمل حصيله

اراملٍ وايتام ماحولهم وال = وعجزٍ وشيبانٍ يهوهي صميله

حاجاتهم من عزة النفس تغتال = امال واحلام البنات الجميله