بآماان الله ياجرح المحبه

[شجون القصيد]

.

..

...


فديتك ياغناتي ياهلا بك = عسى الاقدار تسعد لي شبابك
هلا بك يامنّور لي حياتي = دخيلك لا يلوّعني غيابك
دوا روحي بقربك لاتجافي = تزوّد في شقاي وفي عذابك
اما تدري ليامن غاب صوتك = تضيق الروح واطرد في سرابك
لو الدنيا وما فيها بيدي = فلا تغني اذا صكيت بابك
خذيت الروح مني واتهنا = بقربك لو تطوّل في عتابك
زماني فيك يادرة زماني = رماني لين مكّن بي صوابك
من الدنيا وجودك بس يكفي = ترّفق بي يزيد الله ثوابك
رهين يديك لاتجرح شعوره = وصالك مطلبه عجّل جوابك
يزيد الهم بغيابك ولكن = يزول بقولتك : يامرحبا بك
حبيبي ياغناتي لا هتف لي = ويديني بيدينه تشابك
بآمان الله ياجرح المحبه = دواك الوصل واهنا في شرابك
يمين الله واحلى شي قلته = فديتك ياحياتي يا هلا بك