أنت .. أنت .. أنت .. !!

[محمد العسكر]

لو

كنت

انا اقدر

على الفرقا

ونسيانك

ماجيتك اشرح ظروف

الوقت واشكي لك

عذبني الشوووق

يوم اتصك بيبانك

ياليتك تذوووق شوقي لابدأ ليلك ..!!
.
.
.
.
.
.
.
.
.
.
.
.
.
.
.
.

لو كنت انا اقدر على الفرقا ونسيانك
ما جيتك اشرح ظروف الوقت واشكيلك

عذبني الشوق يوم اتصك بيبانك
ياليتك اتذوووق شوقي لابدا ليلك

الوافي اللي وفاء لو مات ما خانك
يحفظ لك العهد لو شحت مواصيلك

مدامه اللي يشم اورود بستانك
خلا المحاني تضمك والغلا شالك

في داخلي انت من شبيت نيرانك
وسكرت انا الكيف عندك من معاميلك

الى متى القلب قلي يرجي احسانك
واليا متى الحال يشكي من غرابيلك

وش حيلت اللي غرامه بالهوى دانك
يطرد سرااابك وراك ولا لحق خيلك

ضيعت انا العمر كله بس من شانك
واخلصت انا الحب لجلك يا بعد جيلك

مالي بدنيا ( المحبه ) غير عنوانك
ولافكر اللي يحب بيوم .. تبديلك

لامن ذكرتك طرت لي شيلت الحانك
ومن دون مادري احس اني اناديلك

اغار حتى عليك من اقرب اخوانك
ماودي انك تشوف الناس وتجيلك !!

اعشقك واعشق قبايل كل جدانك
ومن ينتميلك احبه .. مثل حبي لك

عطشان قربك فديتك وين وديانك
تعبت انا ارجي من اللهفه مخاييلك

صحرا المشاعر تبي وبلك .. وهتانك
مشتاق انا اشرب قراحك من شهاليلك

غربة زماني تحن الحين لوطانك
ماعاد فيني بهد الصمت .. واجيلك

ولو كنت انا اقدر على الفرقا ونسيانك
ما جيتك اشكي ظروف الوقت واشكيلك




شعر / محمد العسكر
مع خالص الوووووووود