من وين بنتي

[نايف مقبول العمراني]

من وين بنتي لي بعينيك من وين=راحت حياتي مالقيت المجده
من يوم شفتك قالت العين ياسين=ماراح مني يمكن انه يرده
يمكن يعوضني كثير المزايين=وباب الهوا لاهب يمكن يسده
يابنت لو انك عليه تحنين=البال يتهنى بنوم المخده
عن مكشح العذال نبقى ذريين=نبعد ونسكن عن غثاهم برده
الود وده غير ناس قويين=يقفوا لحاسود الهوا بالمهده
اما نعيش ملوك ولا مجانين=ولابلاش من الهوا والموده
والله يجنبنا عيون الحسودين=اللي على تفريقنا مستعده
علاقة مبنية بين شخصين=علاقة فيها وناسه ومده
مع جادل ماوصلت سن عشرين=توها على درب الهوا مستجده
غير العسل في مبسمه والشفاتين=وغير الذهب يلمع ليا هز يده
يازين رمشه والحجاجين والعين=مافيه احد مثله ولافيه قده
من شافها يلذع معاه البليتين=ولاضنتي يمكن عضامه تشده