والكحل منقايضه

[عمر ال شيبي]

غبتي وغابت دنيتي هم وسراب = يا بعد قلبي و القلوب الفارضه
مبدا عذاب وسكتي درب العذاب = يا ويل روحي من رحايل ناهضه
جبت الاسى مليت من شوف الضباب = اللي يزور العين رمد ٍ جاحضه
كنّي مع الايام من جورك مصاب = في جوفنا ذكرى ومشاعر فايضه
مثل النهر مجرى لوادي والهضاب = تسكن بها كل المعاني عارضه
نفس المتيم في سواقيها سكاب = فالمر يسري في عروق ٍ رافضه
ايّة علوم ٍ ما تهنينا وجاب = ايّة سواكن في دروبك حايضه
لانتي هوايا ضحكتي شوق السحاب =لانتي منايا سعد قلبي هايضه
فيكي نسايم شمها الشيبي وطاب = فاليوم نسعد والاماكن رايضه
روض المحبه والعمر يضحي رحاب = في دنيتي ملقى عيونك نايضه
نوض الرحا في شح ماء ٍلا يصاب = منقى نقاوي والكحل منْقايضه