مايضيع المعروف

[نافع بن محمد البويت]

http://www.fatahilah.com/up/stamp01.gif

مع التحية للاخوة الكرام من اخيكم الصغبر
المتطلع الى شئ من رضا ذائقتكم

ماينتهي المعروف لاقلت مشكور=من يجحده ما له شهادة تبريه
من يفعل الاحسان ما يلحقه جور=محسوب عند الله رصيده يوفيه
والجود رفرف بيرقه فوق منشور=والدون لو يرقا تكسَر سواريه
لا شان فعل الرجل بالشين مذكور=لا طاب فعل الرجل ودَ ك تطريه
بعض العرب عزم (ن) وهمَه وخوشور=يحي ذكر ربعه تعاظم هقاويه
جاره يعيش بعزَ ما بات مقهور=كلما دعاه لحاجة (ن) قال لبيه
له مجلس (ن) دايم على الطيب معمور=راعيه ما تلقى في وجهه مكاريه
وجه بشوش (ن) ما يحسب لمخسور=ما قال عن رزقه هبابه يكفيه
ساق التحايا للمناعير بالدور=ثنى سلامه والتواضع يباريه
ما يشبهه مجلس من الناس مهجور=والبن الاشقر حالف (ن) مايجي فيه
يعجبك زوله بالنقاريش مشهور=درب النشاما ما يجي من حواليه
من يفعل الاحسان لاشك ماجور=محسوب عند الله رصيده يوفيه
من جاور الاجواد ما يلحقه جور=ماشاف ضيم ولا تكدر لياليه