اساير الوضع بعض احيان واجامل

[منيع]

http://www.fatahilah.com/up/stamp01.gif

من الجديد امل ان تحوز على رضاكم


اساير الوضع بعض احيان واجامل=وكظم انا الغيظ لين الله يفرجها
لوكان جرح الحشا بي نازفٍ دامل=النفس وكلتها للي يخارجها
رب كريم ولطفه بالبشر شامل=ماغيره احد الى اشتدت يعالجها
يارب عبدك ضعيف وبالذكر خامل=راجيك عفوك من نارٍ تأججها
لاصار مايدعو الا محسنٍ صامل=من به يلوذ المجنى اللي معججها(1)
جيتك بلا زاد ودمعي دايم هامل=والروح تاهت وماجت في تلجلجها
حطيت رحلي بباب الجود متحامل=على حيا جيت وداعي البين مزعجها
سترك ورحمتك مابه واحد كامل=طامع بجنتك وحور في تغنجها

(1) البيت مقتبس من قول الشاعر


ان كان لا يدعوك الا محسن =فبمن يلوذ ويستجير المجرم