مصافحه اولى (موجزوتفصيل)

[حماد عياد الحويطي]

السلام عليكم ورحمة الله

موجز وتفصيل


بعض الاوادم ماطلع طلعة سهيـل=هو مكتفـي بالجـدي والا الثريـا
والا القمر لانه بدا يفضـح الليـل=وشمس الضحى تقضي على كل فيا
لابـاس ياقلـب تجـر المواويـل=لابـاس فـي دنيـا تعـز الحديـا
ياحـر يانـادر شبوكـك محابيـل=خلك عزيز النفس من غيـر شيـا
اللي ينوشك بالخطـا وره الويـل=واللـي يعـزك بشـره بالحمـيـا
لاتنخدع في زول بعض الرجاجيل=بعض الرجال امسك بيديـك ميـا
عادة حرار القـوم رد الجهاجيـل=وعادة رخوم القوم هـرج القفيـا
الفرق واضح ماتبـا زود تحليـل=وانته تفـرق بيـن ميـت وحيـا
يالادمي لاتحسـب انهـا تساهيـل=صكات بقعـا فـي زمانـك تهيـا
دنيـاك فيهـا مقفيـات ومقابيـل=بيض وسود تطـوي العمـر طيـا
اللي ضحك واللي من همومها يشيل=واللي صبـر واللـي تكويًـه كيـا
ياصاحبي جنـب دروب المهابيـل=اللي على المخلوق صايـر وذيـا
خلك مع اللي ينطحون اول الخيـل=لاتلد عينـك فـي هنـاك وهنيـا
من لااستند له ضلع قفا به السيـل=ومن لا رقى للمجد ماشـب ضيـا
واللي عيونه عالخلايـق درابيـل=عسـاه يبـلا بالـبـلا والعمـيـا
يطال عرض الناس بالقال والقيـل=ياكل لحـوم النـاس بيديـه نيـا
هذا حياتـه كـل ابوهـا غرابيـل=يبلـى بنفسـه والشواهـد ملـيـا
اعطيتك من الفكر موجز وتفصيل=وافطن لهـا قـدام حبـل المنيـا
وصلاة ربي عد وبل المخاييل =على اشرف عباده واطهر نبيا

ابن عياد