من اللي يلبي يوم ينقال له مجنوووون؟؟

[سعيد مقبل الأكلبي]

http://www.gazlaltmathel.com/up//uploads/files/,8b671090e2.mp3

الصوت واللحن لمحمد البلوي




تقولين يامجنون وآقول يالبيه=من اللي يلبي يوم ينقال له مجنون؟؟

هذي مِرِّة اللي رايحٍ فالهوى لذنيه=خذا الخط متأخر وجا ماسح الطبلون

لامنّي ذكَرْت البدر والليل متْقفّيه=وحُمْرٍ تلالا والبرد بينها مدفون

دريت ان راسي مايبي غير من يكويه=ينسيه هم الحب والضغط والقيلون

ودريت ان قلبي راح من غير ما اوديه=ويالهفتي ياقلبي العاشق المفتون

ولانيب الومه يوم روّح يبي غاليه=عقُبْ شاف ماشفته من الزين شوف عيون

امانه عليك ان كان مانتيب له ردّيه=ترا مايحب يخاشر الناس فالماعون

واذا له مجالٍ فيك قومي له وحييه=وصكّي عليه الباب بالقفل والكيلون

وانا عُقْبها بآقول يابنت بُصْرِك فيه=مادام انّك اتحبينه فْجانبِك مأمون

ولانيب باوصّيك لكن باوصيه=يجي لك هواه ابرد من مكيّف الفريون

وقولي علي مجنون وآقول يالبيه=انا اللي بالبي لك وانا اللي بعد مجنون!!