عبدالكريم العياش
16-07-2010, 02:50 PM
الغيره !؟.
تجاوزت غيرتك حد الطبيعه = ماادري متى تمنح وفائي شهاده
وانتي تخصص في علوم الشريعه = وانا امتياز بلوحة اقدس عباده
وانتي شعاع الكون وانتي ربيعه = وانا ملك اعطاك دور القياده
الغيره اللي تقتلك يابديعه = نكبر وتكبر في خيالك زياده
غيرتك تجرح كبرياء (ن) رفيعه = وتمس مبدأ تعرفين امتداده
وذريعتك . أغليك . نفس الذريعه ! = من يومنا وانتي بنفس الافاده !
الحب من رحم الثقه يامطيعه = دون الثقه كم حب مات بمهاده
لولا فضاءاتي بعمرك وسيعه = مبطي ترى قوّضت قصر السعاده
اعجاب غيري بي سراب (ن) بقيعه = دام امتلك تاجك وقوة اراده
ياطهر ارض الله بدنيا سريعه = عسى تلقّني بنزعي الشهاده
تجاوزت غيرتك حد الطبيعه = ماادري متى تمنح وفائي شهاده
وانتي تخصص في علوم الشريعه = وانا امتياز بلوحة اقدس عباده
وانتي شعاع الكون وانتي ربيعه = وانا ملك اعطاك دور القياده
الغيره اللي تقتلك يابديعه = نكبر وتكبر في خيالك زياده
غيرتك تجرح كبرياء (ن) رفيعه = وتمس مبدأ تعرفين امتداده
وذريعتك . أغليك . نفس الذريعه ! = من يومنا وانتي بنفس الافاده !
الحب من رحم الثقه يامطيعه = دون الثقه كم حب مات بمهاده
لولا فضاءاتي بعمرك وسيعه = مبطي ترى قوّضت قصر السعاده
اعجاب غيري بي سراب (ن) بقيعه = دام امتلك تاجك وقوة اراده
ياطهر ارض الله بدنيا سريعه = عسى تلقّني بنزعي الشهاده