يام العيـون الذبـل الناعساتـي=بعض الحلا

[حرف وشعر]

يام العيـون الذبـل الناعساتـي=بعض الحلا ماينحجب بالغشاتـي
بعض الحلا باقي مع الروح دايم=مادامـت الارواح هي باقيـاتـي
بعض الحلا ماهو بشكل ومظهر=بعض الحلا من داخل الروح ياتي
بعض الحلا طعمه لذيذ وسكر= وبعض الحلا طعمه كنهر الفراتي
عشنا و شفنا من جمال الصبايا=وعشنا و شفنا من جمال البناتـي
وعشنا و شفنا من غواني وشفنا=كواعب بالحسن هن ساحراتـي
يامير ماشفنا مـن الغيـد زودن=علي الوفاء والعهد هن وافياتـي
الا نوادر فـي زمـان النـوادر=واظنهن بالوقت هـن مايلاتـي
يامن اتشاكي من افراق الحبايب=ارقتني يامشتكي بالغداتي
ياقلب لاتشكـي اهمـوم كثيـره=واصبر ولاتبكي علي الذكرياتـي
ياصاحبي قلي وش الـراي قلـي=مليت انا ياصاحبي مـن حياتـي
اللـي نـوده مايبالـي وكـنـه=متقصد في قتـل روحـي وذاتـي
لا هو علي وصلي ولا هو مجافـي=ولاهو معلمني عـلام الشتاتـي
سبع مضن والثامنه مستهله=ومحدن من العشاق سوي سواتي
اقول باكر كود يلفي حبيبي= ويلوف باكر والتمني خطاتي
وتمت احروفي من اقلام الدواتي = يام العيون الذبل الناعساتي