** الا يــاشين لا فــارقك غــاآلــي ،،

[داعي الشوق]

الا ياشين لا فارقك غالي = يصيبك مثل نوبات الهبالي
وداعه صعب يا مصعب وداعه = يزيد القلب لوعات ووبالي
غزير الدمع من عينك تهله = ونار الشوق في زود اشتعالي
تعيش العمر واحزانك قريبه = تخاويها على مر الليالي
قسى الايام تقضيها و تصبر = على وقتٍ لحالك ما يبالي
انا عايشت لحظاتٍ صعيبه = على المحبوب من شيٍ جرالي
تركني يوم انا روحي توده = عليه اشغلت انا حالي وبالي
سكن في وسط قلبي واستحله = بنى له قصر فى الخفاق عالي
تلوح احلامنا بيني و بينه = نصورها و تبقى فـ الخيالي
قضينا العمر في درب الموده = على وضح النقا ما به ميالي
و دار الوقت في يوم و ليله = مسار الوقت ما فيه اعتدالي
جبرني و انجبر قلبي غصيبه = على فرقا حبيبٍ لي مثالي
انا من عقب خلي صرت ضايع = ولا ادري عن يميني من شمالي
حزين و قاسي الوقت اشتكيته = على منهو عليه الاتكالي