يابو فراس الوضع لاشك محتاس

[الطائر المهاجر]

تأملت قصيدة شاعرنا الكبير ابو فراس احمد الجريفاني
الغانم اللي مات موتة شهيدي
http://www.ftahilah.com/showthread.php?t=37227
فكانت ردة الفعل هذه كمجاراة لها


يابو فراس الوضع لاشك محتاس= اصبر تشوف اكثر وعلمٍ جديدي
بعض العرب ودك تشيله على الراس= والبعض ما يسوى قشور الهبيدي
لو هو اصيلٍ فعلته فعلة خساس= حرٍ ولكن في طباع العبيدي
فالأصل ماهو ف المراجل بمقياس= فالنار ترّث ماخبث من رميدي
حتى ولو هو منك كالركن والساس= لا تامنه لو كان اقرب عضيدي
الوضع ماشي دون ضبطٍ و مقياس = ولا عاد تدري صاحبك والضديدي
لاتقول ذا مني وانا عندي احساس= في يوم يرجع بعد عمرٍ مديدي
فالرمح باول ركزته مابها اوجاس= وذيلٍ عوج ما ينعدل كالحديدي
يحتاج له ف الراس لسعه بمحماس=اما صحى وإلا نعيته فقيدي
ومن يعرف التاريخ يدري بجساس= يومه غدر بكليب وسط البديدي
ماقال ابن عمي ولا جاه هوجاس= فالمصلحه تعمي لقلب البليدي
فكم من بعيد ينومسك عز نوماس= وكم من قريب والحقد به يزيدي