ضو القمر يشعل فتيل المحبه ..

[هترل]

بسم الله الرحمن الرحيم


(عيديه ) ... اهداء للشاعر / محمد بن عمار ... وهو يستاهل
ولا يهون باقي الاعضاء

ان شاء الله تعجبكم




[FONT=Diwani Letter][SIZE=7][COLOR=limegreen]ضو القمر يشعل فتيل المحبه
ويَجمَع.. قلوب(ن)..ابعدتها.. المسافات

والليل .. للعاشق .. دواء(ن)له.. وطبه
يسامر نجوم(ن)..تواسيه بسكات

وليا .. من تذكر (قلبه )..؟ الي .. يحبه
هاضت شجونه والقريحه .. بأبيات

ياهاجسي.. اقدح.. خفوقي .. وشبه
للغايب الي ذكره (اليوم ).. مامات

غرو(ن)صغير السن سبحان .. ربه
للزين.. به آيه.. وللحسن..آيات

مالوم شعر(ن) هام به .. وأنكتب به
وما لوم عين(ن) هلت اليوم عبرات

ليت الهبوب الي من أول .. يهبه
يجثم على صدر(ن) بَرَاهـ .. التنهات

وليت المواصل بين قلبي .. وقلبه
ما هو رسايل بالبريد .. أو مسجات

حال المفارق .. لابتعد عن .. مربه
كنه سجين(ن) بين ضيقه ودمعات

وكن الهجوس الي تجي دون سبه
مثل السحابه تنجلي عقب لحظات

28/9/ 1431