شبيه المجرا

[ماجد الراشد الهيري]

شبيه المجرا


امشي وانا فـي عـمـري ابكيه جمرا=واوقف على كل الصحاري من التيه

رمل البــسـيـطـه في عيوني تذّرا=وانا عيـوني فـي الغلا والمشاريه

الــعـشـق فيـنـي واللــيالــي تمّرا=اما يجينـي الـزين والاانا اجيــه

اعرف حروف الحب واكـتب وأقرا=وأعطي غرام الشوق ندرة معانيه

عزي لحال (ن) ذاقت الــويـل مّرا=تذكر سنا برق(ن) يجـي بالمداليه

أجــلــس واناظر وأنتظر وأتطرّا=وقت(ن) حضـنا بالغلا نجتمع فيه

ياللــي جمالك صاحب اليوم غرّا=مثــل الشـهــر باوله محلا لياليه

خـــذنــي بدلالك ياشـبيـه المجرّا=وكــل الفلك لادار قلــبـي خذيتيه

حتى القصيده في الخفا لــو تعرّا=ماهـــو كلام الليل بكره ونمحيه

ماهي من اللي في المعاني تسرّا=لا والذّي خلا عـــروقــــي تناديه

حرف الالف لو ينحني ينكتب را=وأنتي حروفك تنحي لاكتـبـتـيه

منك جميل البوح فيني تشــرّا=مدري تبيع الحب والاأنا أشريه

ودي جــوابــك اخـــذه من مقرّا=لاتقول مجنون الهوى من يحاكيه

لو كان لي عنــدك امل وش تحرّا=المـس بها مرسول فكري ووافيه

اخاف تــنسـى وتـبـتعــد واتبرّا=شف موقفي وشعور قلبي ومافيه

يالله ترحــم حالتــي وانــت أدرا=أني عـــلى وصــله أحبه واغليهشعر /ماجد الراشد الهيري