يـانـجـوم الـلـيـالـي

[انكسارات النخيل]

مساءكم ورد

اهديكم هذا النص والذي اتمنى ان يصل لمستوى ذائقتكم .. وقد سبق ان نُشر بمجلة بروق القطريه وكذلك بجريدة الوطن القطريه بصفحة همسات

وهذا هو الرابط


http://www.al-watan.com/data/20060509/poem.pdf



يانجوم الليالي اسمري في سماه=صوري لروح روحي لهفتي والحنين
خبريه ان قلبي ماتناسا هواه=واني ماخنت عهده طول ذيك السنين
وان سهرني بليلك اذكريني معاه=وبلغيه ان قلبي من فراقه حزين
وان لمحتي بعينه شوق للي نساه=صحي بهمس حبي شوق قلبه الدفين
كم سهرت الليالي اتمنى لقاه=كلما غاب نجمٍ قمت اجر الونين
اه لو انه وفا لي ماتغيرغلاه=كان ابشري وداده لوذبحني الانين
سيدي مادرى بي كنت ادور رضاه=بعت من اجل عينه كل غالي وثمين
ضوي من فوق داره وحققي له رجاه=جعل دنياه دومٍ بالاماني تزين