خيالي فيك ودّاني.،.،.،.،.،.،

[عبدالعزيز العمار]

السلام عليكم

وكل عام وانتم بخير وصحه وسلامه

جديدي لهذا اليوم أتمنى أن يعانق سمو أذواقكم وأن ينال استحسانكم

.

.

.


http://up.fatahilah.com/up//uploads/0dfba0a90c.mp3









ألا ياقلبي المغرم سكن في قلبك الولهان=غدى في مملكة حبي..يغني عذب الالحاني
شربت الحب من كاس المشاعر يوم انا ظميان=رويت ولا ارتويت ولا يزال القلب ظمياني
هلابك ياحنين الشوق..هلا يا قايد الغزلان=هلابك ياملاك الروح..هلا بالمغرم العاني
تفضل مجلسك بين الحنايا وانت به سكّان=عزيز ٍ يا بعَد قلبي..فديتك ضيّ الاعياني
انا من يوم اشوفك يانظر عيني علي زعلان=يضيق الكون بعيوني واغني لحن الاحزاني
تمر أيامنا والحب..فينا ثابت الاركان=روينا شهده الصافي..ولحْن الحب طرباني
على بحر العيون اللي سحرهن طاغي وفتان=دخيلك ياكحيل العين..انا بالحيل غرقاني
تعال اسمع صدى همسات قلبي ياهوى الحيران=تلطـّف أو تجمـّل بي..تراني فيك هيماني
ألا يا حبي اللي ساكن ٍ بالروح والوجدان=تمكن واستكن في داخل اعماقي وشرياني
رسمتك في ضميري صورتن فيها الغلا عنوان=ورسمت العشق فيها عاشق ٍ هايم وسرحاني
ورسمت البسمه اللي في شفاتك باجمل الألوان=ورسمت الورد بخدودك يعانق حمْر الاوجاني
مثيلك فالبشر نادر أصيل وغالي الأثمان=لقيتك أجمل احساس ولقيتك أجمل انساني
إذا طيفك علي سـيّر..بلا موعد ولا استئذان=أسافر مع طيور الشوق ، خيالي فيك ودّاني
ألا ياقلبك المغرم غدى في قلبي الهيمان=دخيلك لاترد ّ اللي..غرامه فيك حيّاني
تراك انت الوحيد اللي حبيب العاشق الولهان=مكانك مملكة قلبي وعرشك داخل اعياني
عبدالعزيز بن سعد العمار
1431هـ