واحسايف صاحبي صار مغشوش؟؟

[ضاامية الود]

اخواني واخواتي

السلام عليكم ورحمة الله

هذي القصيده طلبت مني عدة مرات اني انزلها ولا أعرف ما هذا القصد

وان شاء الله يقرأها الذي لم يقرأها






لاواحسايف صاحبي صار مغشـوش=ظني من اليابان واثريه صيني
أمزخرف بالزين مطلي ومرشوش=قصده يبي يصتاد قلبي وعيني
حتى كلامه ياملأ ياكـل القـوش=معسل هرجه وماله ضميني
يقول انا ملكك ولوصرت حاشـوش=وعبدك انا المملوك بس امرينـي
واثاري الخوان فاشنق بقفـوش=وانا حسبته ساعدي فـى يمينـي
وما همني كثر الدراهم ولاقـروش=وما همني لو حط قصـراً ثمينـي
ماينبني بيتٍ من الساس مقـروش=لو طالت الأيـام يصبـح طحينـي
الحر يكرم ما يصيدونه اطروش=ما يقنصه ياكود حرٍ فطيني
انا احمد الله مابعد طرت بالطوش=اميـز المقفي مـن اللي يبيني
والخاتمه صلو عدد مارمش رموش=على شفيع الخلق ياسامعيني




وسلامتكم

ضاامية الود