عصب عمري(نصيحه)

[عبدالله الشويمان]

اليكم هذه القصيده اتمنى ان تصل الى مستوى اعجاب الجميع..
وأن يكون لها مفعول لدى أبنائي..وابناء مجتمعنا العربي الكبير..
وهي من قصائدي الحديثه:


عصب عمري
بذكر الله أبدا وربنا يا طيب طاريِّه=هو الله لا اله الا هو خالق كل الانفاس(ي)
ويا عمري وروحي والشرايين ودما فيَّه=حشاشة جوفي تاج القلب يا نوري ونبراس(ي)
غلاكم حدني أكتب لكم أبياتي الحيه=بها وحي لضمايركم دليلٍ يقعد الراس(ي)
مضتلي سنين أربيكم ولا قصرت في شيه=فعلت أسباب والتوفيق بيد الله ينقاس(ي)
وأنتم من فضل ربي وهايب من عطاويه=ضناي بقدرة المولى تفيو كل نوماس(ي)
الا يا قرة عيوني لكم عندي بقى شويه=نصيحة والدٍ وده لكم خيرٍ بلا قياس(ي)
على الرحمة تواصوا بينكم في حسن بالنيه=وفي حبل التواصل شدوا بقوة بالاخماس(ي)
ترى ذراعٍ بدون ذراعٍ أخرى دوم مثنيه=ضعيفٍ باس راعيها ولا يقوى ليباس(ي)
ولا تاخذكم العزة بالاثام وبلاويه=يصير ابليس له بابٍ عليكم شر خناس(ي)
عليكم في رضالله طاعته سرٍ وجهريه=وطاعة والديكم في رضالله يبعد الباس(ي)
واذا الله يسر برزقٍ لكم فالشكر مبغيه=ترى بالشكر باذن الله تدوم النعمه اكداس(ي)
على حب الكرم والجود أوصيكم بجديه=وكل خصال مبداها علوم الطيب نوماس(ي)
وعن ضرب البخل حذرا عيالي تقربوا فيه=ترى راعيه عند الناس ماله قدر ومجلاس(ي)
وأبواب المراجل واضحه ماهيب مخفيه=وانتم قدها وقدود ولنتم كفو الافلاس(ي)
وترى الاسراف فيمالا يشرف له مساويه=مساويه بيوم الشح تخلي الرجل ينحاس(ي)
تحروا بالدخر في ساعة الحاجه محاريه=اذا صار بسبيل الله فهذا الطبع كالماس(ي)
عليكم بالامانه يا عيالي وصفوا النيه=وحب الخير لا تقصر خطاكم عنه وجاس(ي)
حذاري من رداة النفس خلوها مثاليه=ترى نفسٍ دنوعه تلحق الرجال الادناس(ي)
حذاري من جليس السؤ ولو تعذب حكاويه=تراه أجرب ويعدي بالجرب للسر بلاس(ي)
حذاري من الوشايه فالوشايه شر شريه=نهى عنها إلآه الكون في قرآنه الراس(ي)
وحذاري من المغره مع طغاة النفس عدِّيه=عليكم بالتواضع يا عيالي شعور وحساس(ي)
وختامي بالنصيحة يا عصب عمري وذخريه=بدنياكم خذوا من واردي لو قطعت أنفاس(ي)
وصلاة الله على المختار محمد روحه وجيه=رسولٍ في ثرى طيبه يزوره أغلب الناس(ي)
عبدالله الشويمان-الرعد

الله يصلح لي ولكم النيه والذريه.

دمتم بخير