المطبخ أكبر همي

[وجدان القلوب]

موضوع أتمنى الكل يتفاعل معي وأتمنى كل واحد يحط رأيه مهما كان حتى لو فيه عتاب أتقبل عادي ممكن تشوفونه موضوع عادي لكن بالنسبه لي أشوفه أصعب شي لي ,,,
بكل صراحه لمن شفت موضوع الخنساء قعدت أدور ف رأسي وش الشي اللي ممكن يكون همي وحزني وشاغل فكري واللي أنا حابسته ومو قادره أقوله لأحد لكن بكل صراحه مو قادره أقوله لأحد حتى أمي اللي أي شي يقابلني ويضايقني أقولها هو مهما كان..

بإختصار أنا ماأحب المطبخ ولاأطبخ بالرغم اللي ف سني صاروا يسوون ذبايح بأنفسهم أنا مو قلت كذا يعني ماأعرف بالعكس لمن أسوي أكله يطلع طعمه ممتاز وكأني أطبخ ع طول ,, لكن المشكله ماأحب ولو قالت أمي وجدان أبيك بكره تطبخين أشيل هم أبكي وماأبغى أطبخ وكأني بشن حرب..
وبسبب الشي هذا رفضت أشياء كثيره بحياتي بسبب عدم طبخي وأخرها قبل اسبوعين وماأحد يعرف السبب حتى امي....
حتى بالمنتدى شي فيه مطبخ واكل يادوب أدخله هذا إذا كنت دخلته وخاصه لمن اشوف غريب ماشاء الله رجال ويطبخ من جد أغار منه وأحس إني أنا ولاشي ومو كل شيء دراسه وتفوق...
من كلامي يمكن تفكرون ماأشتغل بالبيت بالعكس أنا قعدت وراء أمي حتى توخر الشغاله لأني أحب أشتغل بالبيت وأنظف وأغسل بس طبخ لاااااااا...
بإختصار أتمنى مساعدتكم ونصايحكم وماقلته لكم إلا لأني أحس الأعضاء أسرتي الثانيه


تحياااااااااااااااااتي