امسكتني باليدين وشدّت المسباحه &&& قالت اسمك ؟ قلت مدري ما احد سمّاني

[فارس القوافي]

http://www.fatahilah.com/up/stamb1.jpg

يامحـــــمد شفـــــــتها متمـــشيه في الــــباحه = كنّـــــــها عودٍ تـــــثنى في طـــرف بســـتاني

ناعــمه تمــــشي على راس القـــــدم بالراحه = وكل وركٍ يـــــشتكي من مـــــيلته للثــــــاني

خصـــــرها الجيـــعان يعزف نغـمةٍ صدّاحه = وصـــدرها راوي ولا قد قاربه ضــــــمياني

كنّها شمــــــسٍ بوسط الـــــــقايله وضـــاحه = شعّ نورٍ من نحـــرها صابني واعــــــــماني

ريحة الــــــكادي طبـــــــيعي منّـــها فواحه = والــــــنفل ويّا الـــــخزامى والعـطر الواني

فاتــــــنه لا والله الاّ فاتـــــــنه ذبــــــــــاحه = تســـــــتثير الــــــشايب الّي ناحلٍ هلـــكاني

وسوس الشـــــيطان فيني ومدني بـــسلاحه = ثبّت النيـــــــــشان فيها واطلق الشــــيهاني

اقــــتربت وقلت يالله .. وادبرت مـــنزاحه = ثم ردّت مســـــتحيّه قالت: انت أتـــــباني؟

ارتبكت وقلت لالا قـــالت: قل بـــصراحه = قلت أي والله أريــــدك يابـــــعد حيّـــــاني

امســـــكتني باليدين وشدّت المـــــــسباحه = قالت اسمك؟ قلت مدري ما أحد ســــماني

وبين ضحك وبين هرج وبين جد امـزاحه = انكــــشف عقدٍ يـــــطرّز ثغرها الفــــتاني

قالت اسمع قلت قولي الصــــدر لك ساحه = واذرفت دمـــــــعه وقالت خايفه تنــساني

قلـت ياحيّ الدمــــوع الّي على التـــــفاحه = هات دمـــــعك بشربه اليوم انا عطــشاني

قالت الليله بسافر والســـــبب وايـضاحه؟ = آنـا من ديره بعــــيده والبخـــــــت وداني

واثرها من نـجد جايت عنـــــدنا سواحـه = نعــــــنبوها يامحـــــمد زينــــــها رباني


مع تحيّاتي : خالد بن منشار