الا يا طير يامهاجر(بالصوت)

[الطائر المهاجر]

الا ياطير يامهاجر رفض ذل الزمان
بصوت الخاز باز
http://up.ftahilah.com/up/uploads/khazandme/7yatalmuhajr2.rm


بصوتي
http://up.ftahilah.com/up/uploads/Mine/AlaYa6air.rm



الا يا طير يمهاجر رفض ذل الزمان وطار = الا بالله تاخذني حياة الذل ما آبيها
تعبت وتاهت افكاري بوقتٍ يقهر الأحرار= مدام البوم والحصني تلاعب في مفاليها
ابي حريتي مثلك أطير ولا خشيت أخطار= وامتع ناظري بالأرض واللي عايشٍ فيها
اخذت من الزمن حلوه وسقاني المر والأكدار= وعلمني اكون إنسان افكر في تواليها
عرفت ان الجهل نعمه بوقت يعمي الافكار= ولا يبغى سوى ظلٍ تخلى عن مباديها
ونا مقدر اساير لو اعيش العمر في امرار= مبادي الجدّ في دمّي بنبضاتي اغذيها
رفيع الراس ما يخضع لغير الواحد القهار= اعيش بعزتي مهما الزمن حاول يطفيها
فلا يمكن يحقق مايبي عن طيب وإلاّ اجبار = غسلت ايدي ولا ابي منه في يوم يحيّيها
تركته دونما آسف ولا فكرت باللي صار= حياة الحر وش تسوى اذا نفسه يدنيها
كثير من الملا يفخر بأنه حر كالأطيار = وهو مسجون سجن الذات داله في غناويها
يذل النفس لاجل الجاه فكره دوم في الدولار= يبي ياصل مثل غيره ولو بالذل يشريها
وينسى انه غدا خادم وصار العبد عن اصرار= يعيش ابلا كرامه لو وصل لأعلا معاليها
ونا اقسمت ما غيّر مبادي ترثة الأخيار= لأني عارف الدنيا ابرحل يوم واخليها

http://www.fatahilah.com/up/CA1VZ5F8acd.gif