ابحرت لك في دقيقه

[كظيم]

لا لاح لي الجادل وشلشل صفيقه=لوّح لي المعنى ولوّح هوايه
كن العشيق امسلهم ٍ في عشيقه=ياخذ منه فكره ويعطيه رايه
وانا كذا وابحرت لك في دقيقه=تدرين وش قد قلت لك يامنايه
إنتي سراب إنتي خيال وحقيقه=إنتي فريده والحسن فيك آيه
إنتي ملكتي الزين وحدك انيقه=محد يجاري حضرتك بالولايه
إنتي على عرشك ملكتي الوثيقه=من ربنا المعبود باعلى سمايه
إنتي ولاغيرك يشعشع بريقه=فوق الجميع بطلتك مو دعايه
إنتي وبس اجمل عيون الخليقه=يزهى بك الالماس ليتك ردايه
يا الفاتنه يا الملهمه يا الرقيقه=ياترف فوق الوصف وصلك دوايه
لدّي ولو لحظه لروح ٍ غريقه=في بحر حبك تايهه مـ/ البدايه
تدرين .. با علمك وش هي الطريقه؟=انذوب حنا افبعضنا للنهايه