القنطره ,,, مع وافر التحية

[حرف وشعر]

الشجاعـه والبسالـه ياحـمـد=والعفو والصفـح عنـد المقـدره
مكرمـات (ن) مايحصلهـا احـد=دون بذل (ن) في الرخا والمعسره
ولو تشابه كل فرد (ن) في الجلد=ماتفـرد باالشجاعـه عنـتـره
ولا سبق حاتـم اجاويـد البلـد=ولا تساما في المكـارم جوهـره
ولا تفاظل في الوحش قلب الاسد=ولاتميـز بالجسـاره حـيـدره
ولاتفـرد فـي مقانيـص الهـدد=اشقر (ن) حر(ن) عجيب المنظره
حكمة الله واحد(ن) فرد(ن) صمد=وحكمـة الـرب الكريـم مقـدره
والفظل للـروح ماهـو للجسـد=والعقـل نعمـه عليهـا نشكـره
والجهاله مثلما عوق الرمد= يغشي العينين لو هي مبصره
ومن جحد ربه تري ماله عمد=كيف يجحد حق رب (ن) صوره
اعبـد الله ماتنـدم مـن عـبـد=وارفع اكفوف الرجاء واستغفـره
يوم كل (ن) في حلا نومـه رقـد=مد كفك في السحـر واستنصـره
كود يختم لـك بختمـان السعـد=واجتياز احـدود ذيـك القنطـره
جـنـة(ن) او نــار ذاك المعتـمـد=يوم كل(ن) بـان مافـي دفتـره
ثم صل الله علي صاحـب احـد=احمد اللـي بالمحاسـن نذكـره
واهدنـا ياربنـا درب الـرشـد=وخلنا نمشي علـي موطـأ ثـره