ليش البشر باعوك من شان الاموال

[الآكيد]

المرأه لها شعورها الخاص ومن حقها ان تعيش حياتها
وماحصل وجعلني اضع هذه القصيده هي الحقيقه في هذه القصيده معاناة تلك الفتاه التي ارغمت على شايب
مااقول في الشياب شي كفو فهم ابائنا والكبير يقدر ويحترم ولكن من يحترم مشاعر المرأه ويمنحها العاطفه
ويدللها خص اذا كانت بنت في ربيع الزهور هل يدللها الشايب وهل تقبل تدليله من قلب صادق




يلي شكيت الهم والهم غربال=ترى همومك في ضميري تدكي
اللي سواتك لو عليه الدهر مال=نطلب له اللي باب فضله يفكي
نطلب له المولى على كل الاحوال=هذا كلام الصدق مافيه شكي
انا بشر محسوب من ضمن الاجيال=قلبي رهيف احساس والوقت ضكي
ليش البشر باعوك من شان الاموال=ماقدرو وضعك وحالك يبكي
عطوك شايب عنده افلوس وعيال=ضافك بكرت العايله وسط صكي
واصبح جسد جسمك مع الهم يجتال=كن الشباري وسط جسمك تحكي
عسى همومك كلها اليوم تنزال=ومنهو مضيفك وسط كرته يفكي
هذا كلام الصدق والحق ينقال=هاذي مشاعر ماهي اموال بنكي


خالد عتيق النفيعي