شكوى من القلب

[عبدالله الشويمان]

هذه القصيده قديمه من أرشيفي..اتمنى ان تحوز على رضاكم.


شكوى من القلب
شكوى من القلب مشغِلته ومتعبتـه=والبال عيا على كتم الـذي جاشـي
بعض المواهب عليها الناس والفته=اللي على طيب واللي بالردا ماشـي
الناس كلن عسف نفسـه بمعرفتـه=أحدٍ عسفها لعزه وحـد بلـلا شـي
منهم على موهبه زينـه وموهبتـه=فعل المراجل ونفسه مابها اغشاشي
جودٍ ووصلٍ وصدره رحب وعاطفته=مع القريب وغريبٍ جـاه طراشـي
تصير له وزن والميـزان مسعفتـه=لو مات كنه اقبال النـاس عياشـي
ذكره على لسان من يعرف بسالفته=بالخير مطرا ولا يطري على الواشي
واحدٍ بسوّ المواهب آه انـا شفتـه=على ردات البخت عايش وما عاشي
ضيع اسلوم العرب والطيب طايفته=لو ما يدور عليها مثـل الادباشـي
ما فيه خيرٍ وأهل الطيـب عايفتـه=لو كان عنده مثل قارون تحواشـي
وحدٍ ينمي مواهب غيـر ماسلفتـه=مواهب الكبر وغرورٍ بهـا غاشـي
مكروه عند الذي يعرف مواصفتـه=محدٍ يلقي لوجهـه وجـه بشَّاشـي
عيوبه اللي تمثنـى فيـه ناكبتـه=يالله دخيلك من النكبـه وغشاشـي
وقول يكفي اضافه فوق ما ضفتـه=والهادي الله وهو وهاب من عاشي
عبدالله الشويمان-الرعد