بيني وبين الحزن قرب ورضاعه

[احمد الجريفاني]

يا من نشد في تـال الايـام عنـي

.............................. .....هرجٍ بصدري مايسرًك سماعه

حديث مكلوم العواطـف يعنـي

.............................. .....يوذيك سـرده يا عزيـز الجماعـه

بوح الجـروح الداميـات امتحنـي

.............................. .....لو ما حكيتـه نازف الجرح ذاعـه

مثلوم قلبـي من عنا الهـم جنـي

.............................. .....عجزت لاخلف خـافقي عن طباعه

ماني مريـض فراش با الليل اوني

.............................. .....بيني وبين الحزن قـرب ورضاعـه

الحـزن هو دمـي وفنجـال بنـي

.............................. .....سفينة الاشجـان قلبـي شراعـه

دمعي نزيف الـروح كنت امتهنـي

.............................. .....قبل انولد يا مـن شقى في متاعـه

يقبل علي ليلـي بسهـر وتجنـي

.............................. .....ويبخل علي يومـي بلمحة شعاعه

ويقبل علي ميـلاد حبـي وفنـي

.............................. .....بشموع طفتـها سنيـن القطاعـه

صوٍر لي الدنيا طيـورٍ تغنـي

.............................. .....للحـب لعهـود الوفـا والوداعـه

ولا بيـن خلانٍ حروبٍ تشنـي

.............................. .....والنـاس زاده با الحيـاة القناعـه

واللـي يغيـب ايـام لازم يحنـي

.............................. .....كنت اعتبر غـدر المحبين اشاعـه

ولا فيه منهو يسـرق الفرح منـي

.............................. .....ولا يضيع العمر في ربـع ساعـه

ولا هدايـا الحـب ترجـع تمنـي

.............................. .....ولا يفرق شمل عقـب اجتماعـه

لا والله الا خالـف الوقـت ظنـي

.............................. .....صار الوفا يحتـاج حب وشفاعـه

وين الذي فـي خافقي مستكني

.............................. .....اللي حلف بـا الله ليلـة وداعـه

انه على العهـد القديـم امتثنـي

.............................. .....يخونه الله كـان لمسـت ذراعـه

خان العهد وبرغبته غاب عني

.............................. .....سار بطمان القاع واهمل رفاعـه

شرى القصور وكل حلمٍ يمنـي

.............................. .....زيف الحياة وصافي الـود باعـه

ضاع الذي يمه همومـي دعنـي

.............................. .....يا ليت قلبي ماخفق لـه وطاعـه

ياقلبي انسـه مـا يفيـد التمنـي

.............................. .....مادام عندك يـا دليلـي شجاعـه

ماكل حلـوٍ فـي مذاقـه يهنـي

.............................. .....ولا كل من غنى لذيذ استماعـه