العنجهية المتطرفه بين (( النرجسيه )) وعلامات الانهيار ,,,,,

[ناصر القزلان]

أحيانا .. يكون الصمت تمهيدا ً للكلام الذي طال وأده ..




الو .. حبيبي معاك الشاعر .. الاحول = كأنه الصبح بعد الليل إذا أسفر
وقت السباق الأصايل تاصل الأول = والا الكديشه طبيعي دوم تتأخر
لاخير باللي يقول اني أنا الأفضل= لافضل الا بتقوى الله لمن يفخر
الناس فيهم سديد الراي والأهبل = والزين فيهم وفيهم سيء المظهر
أيضا وفيهم حكيم وفيه من يجهل = لولا كلام البشر ماتعرف المخبر
والناس فيهم كريم وفيه من يبخل = شتان مابينهم باللين والمعشر
وفيهم قصير اليدين وفيهم الاطول = هذا يسوي ولكن ذاك مايقدر
ثرثار في كل ساحه يشرب المنهل = مغرور دايم يقرقر كنه القنبر
يقول أنا الفارس اللي يفعل ويفعل = ( صديق مافيه معلوم انت وش قرقر )
والناس مثل البلوت الخاسر يدبّـل= فيها الولد ياكل الشيبه ولا يشعر
والــ( صن ) فيها الــ( إكك) تاكل ولا توكل = نجم ٍ تحدر على صم الصفا يكسر
خل الشواكيش والتسعات للمهمل= خمسين فوق الميه صرح بها واجهر
الحرفنه بينه واللي زعل يزعل = واللي قطع كوشوا في وجهه الاغبر
ديمن وشريا هواهم بالبشر طول = سبيت والهاص كالالماس والمرمر
والناس فيهم كما الجوال لو يرسل = من دون مركز رسايل دوم يتعثر
فيهم سواة الرهيب الاصلي الاكمل = الصبر كل الصبر في ذلك الاسمر
وفيهم كما الــ( باندا ) بالقفل متقفل = مثل البلكه على حمله تبي كنور
وفيهم سواة الزعيم الهاتف المذهل = معروف عند العرب والترك والبربر
وفيه كما (N 70 ) مطلب الحنشل = تهزه الريح مهما قالوا مطور
وبالشعر ناس ٍ تقول وناس تتقول = فيهم ذيابه وفيه الحصني الازهر
يجيب الالفاظ كالابريق بالمنقل = يغريك شكله بلا شاهي ولا سكر
كلام مرصوص من اعلى الى اسفل = سراب بالقاع وقت القايله يظهر
وهناك منهو على الابداع يتجول = مابين ريح البخور وريحة العنبر
الوان في لوحة الرسام تتحول = في مثل لمح البصر سبحان من صور
مثل الفتاة الرشيقه شكلها الاجمل = فعلا لها حق تتكبر وتتأمر
يارافع الراس مهما كان لك منزل = مالك على الناس حتى صرت تتكبر
هذا جوابي على من كان لي يسأل = لانيب جاهل ولا مغرور مستهتر