خزامى الصحارى تنير يجزلة المرشدي

[ابو زياد]

اخونا الشاعر
عبدالله المرشيدى انار صفحة خزامى الصحارى بجريدة الرياض بقصيدة (اشوف خيام فرحي تطوى) وهي قصيدة اقل ما يقال عنها انها فريدة
واليكم القصيدة

البارحة من هيض شبيت ضوي
في وسط روض من سني الضو ضوى

بارض خلا ماطبها احد مهوي

يرتداها اللي من عناه يتهوى

ما غير انا والهم في متلوى

باقصي معاليقي لجا ثم تلوى

ازل كيفي وان قضى قمت اسوي

كيف النشاما في دلالي مسوى

قامت هواجيسي بفكري تدوي

ياكم وكم طاري على البال دوى

اكبر هجوسي فوق ناري تعوي

واصغرهم اللي في سما الفكر عوى

الهم ينزل والمسره تطوي

كني اشوف خيام فرحي تطوي

ليلى بقى ثلثه اونا اقول توى

اسمع ضجيج الفكر يقول توي

العين هلت بالمدامع تروي

خلت بذور العشب منها تروي

على زمان فات من زين جوي

يوم ان فكري صافي فيه جوى

دنيا العنا مع كل من جا تخوي

وغلطان من للوقت صادق وخوى

سود الليالي بالمخاطر تشوي

عزى لقلب من لهبها تشوى

من مال وقته والنصيب متثوي

لو يرفعه بالجهد طاح وتثوى

ومن طاح حظه ما نفع به مقوي

ما ينفعه ياكود بالله تقوى

النفس تنوي والطواري تغوي

وابليس من طاعه عن الدرب غوى

ما ينفعك لا طحت ترديد لوي

وما يرجع اللي فات ليت ولوى

هذا وانا بالخير ماجف نوي

يمناي فيها الطيب خيل ونوى

قلته وراق البال في جال ضوي

لين ان نور الصبح شعشع وضوى

على هاالرابط لقرائتها والتعليق عليه
http://www.alriyadh.com/2007/01/08/article214716.html