ينقهر من عاش في وقته ذكي (بالصوت)

[الطائر المهاجر]

http://up.ftahilah.com/up/uploads/Mine/burmky.rm

ينقهر من عاش في وقته ذكي = يدرك الأوضاع ما يجهل خفايا
لو يشوف الظلم ما يقدر حكي = كلمته في الحق تخدش للمرايا
ولا بغى الإنصاف وإلا يشتكي= صارت الشكوى على راسه شظايا
غابةٍ هالكون مافيه شككي = والوحوش كثار تفرس في الحدايا
وانتهى الإنسان خلق محكحكي = كل همه كيف ياصل للسرايا
لو رمى غيره بدرب مهلكي= دام يقبض لو دعس كل الرعايا
الطمع يغري بغيره يفتكي = ولا يفكر في ذنوبٍ او خطايا
لعنبوها من حضارة مشركي = ما عطانا غير منحوس العطايا
ولو عطانا في شروره يحبكي= طامعٍ فينا ولا رده هدايا
كالشعيره صايرين تعلكي = ما حماها العلك من ذم البرايا
ودامنا في ضعف مافينا حركي= نستحق اللي وطانا من رزايا
لكن اللي بالعداوه يدركي= خير من حصني بدا سوء النوايا
لو لبس دينك وتم المنسكي= ما نسى ثاره وملكه والسبايا
نار بوش ولا جحيم البرمكي= انكشف حقده بذبحه للضحايا
والحظيظ اللي غبيٍ ويضحكي = ما شغل فكره بهم ولا قضايا