هذى قناعة راي والكل له,,, اهداء للسمح

[حرف وشعر]

يانكهة الريحان مع نشوة الشاي=بأول مسانا والدجي عاد ما جن
لاحاسد (ن) موجود لا عين (ن) وشاي=لا مسترق للسمع لا انس لا جن
انته وانا والضئ والزهر والماي=وذاك الكحل يلي بعينك يجنن
دامك معي يامكحل العين وحذاي=ماهمني من غاب يصغير السن
عطني يمينك وامسح الحزن جواي=وامسح حبيبي هم ليام كلهن
اهواك انا ياغاية النفس ومناي= واعشق شفاك وضحكة الخد والسن
يامطرب العشاق ياعازف الناي= لحن على ناي العشاشيق لحن
لحن وخل الليل يضحك لممساي=ودندن على عود المحبين دندن
الليل ليل الشوق ومراشف الشاي= وبكره صباح الود ومراشف البن
انا امير العشق والعشق دنياي=وانا سفير الشعر والشعر لي فن
احرص على حرفي وشعري ومنحاي=وابعد عن التقليد لا صار ممكن
الشعر حس وذوق واحكاه واحكاي=وشعر(ن) بليا ذوق لاشك حشون
هذى قناعة راي والكل له راي=وحنا تري يالسمح مانختلف حن
ياشاعر الاحساس ماخاب رجواي=بك يالثويني دائما نحسن الظن
اسندت لك حرفي علي قافية اي= ذاك الصدر والعجز في قافية ان
جعلك عسي فى سعد ليام وياي=واللى قرأ مضمون شعري وأمّن