ودعــــــــــــتني

[فارس القوافي]

ودّعتني امس قالت لي بسافر = واشهقت والعين من فرقاي تبكي

قالت اسمحني ترى بآروح باكر = غصب عنّي رايحه والروح تشكي

صوتها المبحوح وآهات المحاجر = ارهقتني قلت ماتحمّل تعبكي

قلت كيف اقوى ترى ماني بقادر = من يواسيني إذا رحتي ويحكي

من يصبّرني على فرقا المشاعر = من اضمّه واشبكه فالصدر شبكي

من يداوي جرح من فرقاك كافر = انقسم ظهري .. فركت ايديّ فركي

كيف اسوّي كان حظي دوم عاثر = يوم لاقيتك لفى البعد ونهبكي

مير انا بصبر على الفرقا واكابر = بنتظر رجعتك لو طالت وبتكي

بالوفا نبقى وانا لك دوم حاضر = نارنا حيّه وشبّي لي حطبكي

كان لي خاطر ترى لك ألف خاطر = مآحدٍ بالارض ياروحي وصلكي

حبك بقلبي ترى والله طاهر = ما تدنّس حبّ في قلبي بعثكي

بذكرك وانطر رجوعك لي واسامر = كلّ ذكرانا وتبقي لي وحْدْكي