خلاص روح ولا تـزيد المواجع

[داعي الشوق]

http://www.fatahilah.com/up/stamp01.gif




http://www.stocksvip.net/p/af/(53).gif




خلاص روح ولا تـزيد المواجع = ما دام حبل الود حان انقطاعه
لا تنتظر مني سلام الموادع = ما لي على شوف الوداع استطاعه
برضى بمقسومي و اهل المدامع = ومركب غرام الوصل بطوي شراعه
و بودع افراحي بنبرات خاضع = عن حكمة الاقدار يقصر ذراعه
يوم الحزن في قلب بالحب نابع = شيّــد عواميده و زاد ارتفاعه
و استوقد بنار الغرابيل شارع = و لا عاد للمجروح عنده مناعه
كثرة هواجيسه و صابه زوابع = و مع دورة الايام زايد صراعه
يا حسرة اللي كان بالحب طامع = ما نال مقصوده ولو كان ساعه
اول بسوق الحب شاري و بايع = و اليوم صار الهم باقي متاعه
في زحمة اللوعات بيعيش ضايع = و يلوم من سبب لحاله ضياعه

لو المدى في ناظر البعض واسع = يضيق به عقب الفراق اتساعه

http://www.stocksvip.net/p/af/(55).gif