|
رد على: رتوش
صباح الخير
هلا غريب صباح النور كيف الحال الحمد لله أبو ثامر فيك شي أحس انك متغير سلامات صار شي بينك وبين كوارع انس ما صار شي اجل وش فيك غريب تكفا خلني ها الحين بعدين نتفاهم خير إن شاء الله وأسف إذا أزعجتك ولا يهمك وإثناء تنولهم الغذا في مطعم الشركة حس الغريب بضيقة صدر أبو ثامر وفتح الموضوع بهدوء وبطريقة ساخرة ومضحكة أبو ثامر لا يكون بعد التعب والعنا وتسديد الفواتير والشريحة وجوال بكاميرا طلع شنب وجالس يقلد صوت بنية لا يكون اللي شفته في العرس شغالتهم وقالك انه اهو ترى الشباب يسون ها الحركات ههههههههه إيه يا شيخ اضحك والله انك ذبلت كبدي ورفعت ضغطي ما غير مبوز ها وش السالفة ولا شي بس انتهينا و وصلنا لطريق مسدود وكل واحد راح لحالة وش دعوه أمس تتعرفون اليوم تفترقون هو انتو لحقتو يا بن الحلال خلها على ربك تكفا غريب قفل الموضوع الله يخليك افترقنا وخلاص على راحتك واكرر أسفي لتطفلي معليش ما جبت شي جديد خخخخخخخخخخخخخ أقول وش عندك العصر سلامات لا يكون تبي تسحبني معك لحفر الباطن الله يأخذ عمرك بعدين ما تلقى احد يرفع ضغطك حسبي الله عليك وش عندك اليوم عندي موعد المستشفي ليه في شي ضروري عادي ا اجل الموعد لا والله بس ضايق صدري و ودي انزل الخبر أو إني أروح للبحرين أبو ناصر يقول فيه أفلام جديدة نازله أفلام ولا ولا الله يخسسك لا والله ضايق صدري وأبي أغير جو ومن زمان عن البحرين والله مدري وش أقولك بس تخبر العملية قربت ولازم أقابل الدكتور الله يعين شكلي بروح لوحدي الساعة 5:30 مساء أبو ثامر يصل إلى جسر البحرين وينهي اجر الدخول وفي مجمع الدانه حيث السينما قام أبو ثامر بحجز مقعد خلفي ولم يكن المقعد المجاور مشغول حيث انه معتاد على الجلوس في الصفوف الخلفية وعلى يمين الصالة حيث هناك الوضعية الهرمية لتوزيع المقاعد يبدءا الفلم في تمام الساعة الـ 6:45 مساء وبعدما اقترب موعد الفلم كالعادة يحب إن يتسلي بالفشار وقنينة ماء وبعد دخوله إلى الصالة واخذ الجلوس في المكان المخصص له تجلس بجواره امرأة ولم ينظر إليها أو يسترق النظر وكان قد تردد في الجلوس بجوارها ولكن فضل إن يغير مقعده بعد ما يبدءا الفلم لكي يعطي المرأة الحرية التامة وقبل ما يبدءا الفلم وبطريق الخطاء سقط كاس البيبسي من يدها على ثوب ابوثامر فما كان منها إلا إن تعتذر بعدما كشفت النقاب عن وجهها وحينها تسمر ابوثامر كونها امرأة السوبر ماركت واخذ يشكك في تخمينه وبلطف أخرجت محارم من حقيبتها وقدمت اعتذارها الشخصي على ما بدر فكان دهاء أبو ثامر حاضر قال لها لا عليكي قبل أيام اسقط حاجياتك في السوبر ماركت وها أنتي اليوم تردين الدين ابتسمت وقالت صحيح أنت من كنت في السوبر ماركت نعم ولكن إنا لم أتعرض لثيابك فلم يكن بوسعها إلا إن ضحكت وقالت في نفسه رب صدفة خير من إلف ميعاد ودار نقاش بينهم وتعالت الضحكات واتفقا بعد الانتهاء من الفلم إن يتناولا وجبة العشاء في مطعم هادي متخصص في المأكولات البحرية فما كان منها إلا إن وافقت وقبلت الدعوة بكل امتنان انتهت |
رد على: رتوش
في نهاية القصة احب اشكر
كل من تواصل معي واخص بالذكر صعبة المنال إستبرق الخنساء احلى كلام شموخ سدير ام زياد ولكل من حضر بدون مايبدي راية اعتبر مرور محل اعتزاز وتقدير اتمنى ان تكون نالت على حسن رضاكم ونتظر ام زياد لمناقشة القصة :) |
رد على: رتوش
[SIZE="5"][COLOR="DarkOrchid"]البحرين جابت العيد ههههههههههههههههههههههههههههههههههه
البحرين وبس الباقى خسسسسسسسسسسسسسس ههههههههههههههه ماكولات بحرية ههههههه ليكون فى البديع ههههههههههههههههههههه لك يسلموا بس زين رجعت لزوجها ربك ما ينسى احد خخخخخخخخخخخخخخخخخخخخخخخخ يا عينى عليك يا غريب جد انت موهوب ولازم نشوف لك مخرج ههههههههههههههههههههه يعطيك العافية متى تبدا الجديدة بالانتظار الشكر موصول لك قبل اى احد صعبة [/COLOR][/SIZE] |
رد على: رتوش
ههههههههههههههههههه والله رفيقك ماهوب طبيعي كل وحدة تعجبه بيعطيها موعد ولا اللي مخلي المسألة موخاشة مخي وش هاللي عادي بتتكلم مسن مع شخص غريبمو أنت أقصد ما تعرفه
ولا بالجوالات ودنيا بكل سهولة يعني كأنك أنت ورفيقك تعتبرون هذا شي طبيعي وخل نقول كتب له معهانصيب هل سيثق فيها أو بيقعد يشكك في كل حركة تسويها هذه المرأة إذا تزوجها هذه بعض ملاحظاتي |
رد على: رتوش
غريب الاه اريد ان اشكرك ولكن قد احزنتني بالفعل فلماذ لاتكون قصص الحب تنتهي بالفرح والسعاده ؟؟؟
هل كتب على الحب وعلى المحبين ان يعيشوا للحظات وبعدها تكون لحظات ذكرى ؟؟؟ لما كتب على مسمى الحب ممنوع الاقتراب ؟؟؟ لما لايتحول الحب الى حب دائم وابدي ؟؟؟ لماذا هذه القسوه ؟؟؟ لماذا لايكتمل الحب ولو حتى في القصص وفي الروايات ؟؟؟ السؤال الاخير :::: هل الحب نعمه ام نقمه ؟؟؟؟ ولك مني جزيل الشكر والامتنان \ اختك : شموووووووخ |
رد على: رتوش
[QUOTE=صعبة المنال][SIZE="5"][COLOR="DarkOrchid"]البحرين جابت العيد ههههههههههههههههههههههههههههههههههه
البحرين وبس الباقى خسسسسسسسسسسسسسس ههههههههههههههه ماكولات بحرية ههههههه ليكون فى البديع ههههههههههههههههههههه لك يسلموا بس زين رجعت لزوجها ربك ما ينسى احد خخخخخخخخخخخخخخخخخخخخخخخخ يا عينى عليك يا غريب جد انت موهوب ولازم نشوف لك مخرج ههههههههههههههههههههه يعطيك العافية متى تبدا الجديدة بالانتظار الشكر موصول لك قبل اى احد صعبة [/COLOR][/SIZE][/QUOTE] هههههههههههههههههههههههه اشكرك يا صعبة على ها لكلام والاطراء ولو انك بالغتي فيه ;) اجل اذا شفتي اخر مسرحياتي وش راح تقولين:p الجديد للاسف توقف مع ثاني صفحة وماقدرت اكملها والله وقتي صار ضيق للغاية بس صدقيني اذا في جديد راح يكون في الفطاحلة وحصرياً>>>>>>>>>>>>>>>> الله واكبر يانجيب محفوظ على غفلة |
رد على: رتوش
[quote=أم زياد]ههههههههههههههههههه والله رفيقك ماهوب طبيعي كل وحدة تعجبه بيعطيها موعد ولا اللي مخلي المسألة موخاشة مخي وش هاللي عادي بتتكلم مسن مع شخص غريبمو أنت أقصد ما تعرفه
ولا بالجوالات ودنيا بكل سهولة يعني كأنك أنت ورفيقك تعتبرون هذا شي طبيعي وخل نقول كتب له معهانصيب هل سيثق فيها أو بيقعد يشكك في كل حركة تسويها هذه المرأة إذا تزوجها هذه بعض ملاحظاتي[/quote] اول شي اشكر حضورك يا ام زوزو :) انا قلت ان خزان تعرف على حليمة من خلال منتدي وتطورت العلاقة لماسنجر وفتحو قلوبهم لبعض وتطورت لتلفون مثل اي علاقة بين شاب وشابه بخصوص اني اعتبره شي طبيعي شوفي طال عمرك مثل ما الحريم لهم سوالف بينهم بين بعض اكيد الرجال لهم سوالف بعدين ها الرجال مطلق ورافض الزواج ويعيش فراغ عاطفي رهيب شي طبيعي اذا تعلق في بنت وكانت ظروفهم متشابه راح يندمجون بعدين احب اقولك يا ام زياد مو كل انسان يكلم بنت يبي ينهش فيها اذا تزوجها هو المسئول انا وش لي خص فيهم صدقيني اعرف ثلاثه من زملاء العمل متزوجين حريمهم عن طريق معرفه ومازالو ولله الحمد عايشين ومبسوطين وعندهم كومه عيال ام زياد لازم تقتنعين ان الجيال القادم يختلف في التفكير واللى عاش في الغرب نفس الشي نظرتهم للحياة وتفكيرهم يختلف طبعاً مش الكل اذا انتي ترفضي ها الاسلوب هذا من حقك بس ماتقدري تنكريها على اللي يايدونها انتظر للمزيد من الملاحظات و وقتها راح اكون مبسوط يا ام الزوز :) |
رد على: رتوش
[quote=شموخ سدير]غريب الاه اريد ان اشكرك ولكن قد احزنتني بالفعل فلماذ لاتكون قصص الحب تنتهي بالفرح والسعاده ؟؟؟
هل كتب على الحب وعلى المحبين ان يعيشوا للحظات وبعدها تكون لحظات ذكرى ؟؟؟ لما كتب على مسمى الحب ممنوع الاقتراب ؟؟؟ لما لايتحول الحب الى حب دائم وابدي ؟؟؟ لماذا هذه القسوه ؟؟؟ لماذا لايكتمل الحب ولو حتى في القصص وفي الروايات ؟؟؟ السؤال الاخير :::: هل الحب نعمه ام نقمه ؟؟؟؟ ولك مني جزيل الشكر والامتنان \ اختك : شموووووووخ[/quote] ياهلا وغلا بوخيتي العزيزة والغالية شموخ احب اقولك شرفتيني وكنتي ضيفة خفيفة ظل بخصوص القصص شوفي طال عمرك كل كاتب له اسلوبه الخاصة لجذب القؤراء ومثل ماتعرفي في الكتابه لازم يكون هناك مبالغ عشان التشويق ولازم يكون هناك اما نهاية سعيدة او العكس او ان الكاتب يترك للقارئ حرية انها القصة من خلال تصورة لبقية الاحداث واكيد اهي مدارس بخصوص كلمة ممنوع انا اقولها لكي بكل امانه وصراحه لان الحب الان ارتبط في معتقدات الكثير من الناس بالرذيلة الحب فقد جماله وبريقه فقد سموه للاسف اصبحت هناك مصالح شهوات نزوات هي من تسير الحب صدقيني الحب الشريف الطاهر والعفيف شي جميل بس للاسف وين اللي يعي ها الكلام شوفي ابي اقولك شي وربي شاهد على من فوق سابع سماء اعرف شاب حب بنت بجنون وقالها انا مستعد اعيش معاكي على الحلوه والمره وانسي كل الماضي بس بشرط انا وانتي نحترم الرباط المقدس اللى بيننا تخيلي اكتشف ان البنت فاتحتها على البحري يعني بذمتك واحد يقول لوحده انسي ماضيك بشينه وزينه وافتحي معي صفحة جديده يلقها بها الشكل وش تبينه يرجي من الحب بعد كذا واكيد في قصص لشباب خدعو بنات يعني الكفة متساوية ليه القسوة ! اذا انا المقصود اقولك بالعكس انا كنت واقف مع ابوثامر وفتح عيونه على اشياء وسهلت له اشياء لاني اعرف الرجل صادق بس مشكلته انوضع على مفترق طريق وام فهده كانت تبي تشتري سعادة بنتها والعقل والمنطق يقول ان سعادة بنتها تكون في حظن ابوها وامها لان الام لو تزوجت اكيد بتنشغل عن بتها وممكن تقصر او تهملها وممكن تظلمها انا اشوف ان تصرف الام سليم وتفكير انسانه عاقله اذا تقصدي قسوة البشر على الحب لان مفهوم الناس للحب تغير ونظرتهم للحب صار من قصص الف ليلة وليلة اما ليش مايكتمل ؟ مثل ماقلت هي مدارس وهي افكار وانماط وسلوكيات بشر ممكن انتي انسانه صادقة وجادة بس حظك يطيحك في انسان مخادع وقتها تكملي القصة ولا تنهيها. من نظري ومن خلال تجاربي في الحياة نعمة بشرط ان احسن الاختيار شموخ سدير اسأل الله ان يكتب لك السعادة والتوفيق والنجاح في الدارين |
رد على: رتوش
إذا كان الإنسان يمر بمثل هذا فممكن يكون تعلق بقشة فقط للنجاة وبعدين
إذا راحت السكرة وجت الفكرة غير كلامه وهو ممكن تكون البنت فعلاً طيبة ولها ظروف جبرتها إنها ماتكرر غلطتها مع زوجها الأول وتبي تعرف الشخص قبل لا تقدم على أي خطوة لكن الخطورة والخوف إنو مافي عليهم علامة واضحة في النت لا السيئين ولا الطيبين [quote]ام زياد لازم تقتنعين ان الجيال القادم يختلف في التفكير واللى عاش في الغرب نفس الشي نظرتهم للحياة وتفكيرهم يختلف طبعاً مش الكل اذا انتي ترفضي ها الاسلوب هذا من حقك بس ماتقدري تنكريها على اللي يايدونها [/quote] بالعكس الطريقة جيدة لكن بشرط تكون بين ناس واعية وتعرف ما تعمل ولا تلقي بأيديها إلى التهلكة فقط هذا ما قصدته و انا لا أرفض لمجر د الرفض لكن من أجل أنه تقريباً لاتوجد ثقة في عالم النت |
رد على: رتوش
كلامك سليم يا ام زياد بس هل تعتقدي اذا كان الرجل على مشارف الاربعين والمرأة في العقد الثالث تعتقدين انهم يفكرو بشهواتهم وعواطفهم ولا انهم يفكرون بعقلهم و يوزنون الامور كونهم في سن النضج هذا اولاً
بخصوص الثقة انا اضم صوتي لصوتك الاغلبية من مرتادي المنتديات شغلهم الشاغل انهم يتصيدون طبعاً انا اقصد الجنسين ولكن فيه ناس محترمه وان كانو قله على العموم اللى يلعب صدقيني مع مرور الايام راح ينكشف امره وحتى البنت اللي همها صيد الرجال راح تنكشف والمحترمين مثل حضرتك واغلبية منتدي الفطاحلة يبانون وتقدرين تثقين فيهم ويثقو فيكي واعتقد انتي لك نظرة في بعض الاعضاء وبالتاكيد انا واحد منهم بغض النظر عن نظرتك هي سلبية ام ايجابية هذا ماكان ثانياً |
| الساعة الآن 08:21 AM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
جميع الحقوق محفوظة لمنتديات الفطاحلة