[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]

لاتسقط المعنى علي وتركّا = انا كشفت الحق والحق فكّاك
ارجي لك الغفران مما هبكّا = في جنح ليلٍ يومه ابليس اغواك
ما من غصن الا مع الريح حكّا = اما انكسر وإلا كسر ذا وذولاك
وترى حلالٍ تجمعه ما تزكّا = يمحقه ربي لحظةٍ مالها إدراك
ومنهو عنى لك صامتٍ ما تشكّى= يكفيك مراته على قاف يمناك
يبي الزكاة وبسمةٍ قبل ضكّا = وإلا رسالة حرفها طعم مسواك
خل البخل ياصاحبي لا تلكأ = وقم بالمواجب قله القلب يفداك[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
مانيب انا خواف وازداد ربكا=الى صدفني لابس الثوب شرواك
وجهي طليق(ن) بابتسامه وضحكا=وافرح بشوف اللي لهم فكر وادراك
واضح ولا لي لوذة(ن) وسط سكّا=امشي واحيي شخص هذا وهذاك
واسعد الى من المقابل تلكا=وابدى الفرح واردف بيازين لقياك
ودروبي اللي بالمرجل تضكّا=رجلي ولاداست ولاقطف تنباك
ان كان عندك من ذكرني تحكّا =يمدح وراك بسيرة المدح شكاك
كلن يشوف بطبعه الناس شَرْكَا=وما ودي آصف هرجك بقول فكّاك
مير اطلب الله رحمته لو تبكّا=كود الدموع الذارفه تغسل خطاك[/poem]

[poem=font="Simplified Arabic,5,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
الرمي صار حامي والمدافع تثور = بس كله كلامن في قصيد النبط
العويد ابتلونا فاقدين السرور = وموتر العاقل ان كانه تخبط .. سفط
والرجل دام سيفه ساطي(ن) ما يبور = دايم(ن) فالمجالس ساكت(ن) ما خرط
لان فعله يبين ولا يبين القصور = ولا هرج .. فاعرف انه فالمشاكل ورط
ما يسره بحربه .. لا ثياب وعطور = دام حبله من يدينه زلق وانفرط
الزقاره طفت .. ماعاد عنده شعور = ما يعمّر سوى هرج(ن) بليا نقط
منسحب من حروبه ماله اية حضور = وبندقه خاربه .. ما عاد تنفع خطط
انتهت فترته من ما ضيات العصور = لا يزاحم شباب العصر ... هذا غلط
دايم(ن) يفزعه فالنوم شوف القبور = ولا درى بانها حلم المنام .. انبسط[/poem]

تراها كيبوردية ولا جبت جهدي ،، يعني لا احد يتحرش واجيب جهدي عاد (( واحد خايف ))

[poem=font="Simplified Arabic,5,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
ياهلا بك يزيد وجيتك زود نور=ضيف غالي وله ترحيب يومه قلط
وانت شخص نبيه ولك مع العلم دور=وين جبت العويد وليه جبت الغلط
بس الاستاذ شايب وحنا بزور=يوم نقفعد قباله كن حنا فَرَطْ
والعلوم الخفيه دونها اقوى ستور=بس عثمان وده بالتهم والشطط
وكل سيف بغمده ما يجي به قصور=والمعارك تدار بدون جيش وشِرَط
مانهاب الهقاوي او نخاف العثور=وكل شارب وله عندي مقص ومقط
والقوافي تراها جالبات السرور=لاحصل مثلكم يهدم ويبني خطط[/poem]

حنا ما شين الآن على اكّا ، و آك
واذا انتهينا منها ، (رغم أن ابو انس لم يتقيد بالتشديد ، لكن وشتقول هو العمدة)
رايح نرد على قافيتك المنتهية بـ رط ، حيث البقية لازم تمشي بالطاء وحرف مماثل قبلها ،
فالطاء لحالها في الشطر الثاني لاتعتبر قافية
شف يايزيد مسابقة بيت وسالفة ، وترى البيت اللي جبته لجدي الله يغفر له من بنيخيك
دور من يعرفه من حولك .. يمكن يضبط السالفة اكثر مني ..

[COLOR="Blue"][RIGHT]الفاضلان / المشرف العام ويزيد النمي
لقد كفانا أبوأنس عناء الرد ولله الأمر من قبل ومن بعد :)
في الواقع احسدكم على سرعة تجاوبكم ! أنا اذا بغيت اكتب ينبت لي قرون ويادوب يطلع بيت او بيتين ولا اقدر اتابع موضوع ثاني حتى انتهي من اللي بيدي رغم اني في واقع الحياة "دينمو" بس في الشعر هذا حدي وهذا قصور مني بدون شك لكنها مسألة قدرات ومواهب ربانية والحمدلله الذي لا يحمد على مكروه سواه !! بالمناسبة اذكر كاتب كبير في احد المنتديات لما كثرت عليه الردود قال : " لا أملك ثديي بقرة حلوب لأرد على الجميع " هذا وهو وكاتب كبير وأديب معروف فماذا يقول العبد الفقير ؟!
المعذرة على الثرثرة لكني اردت ان اقول ان مداخلتكم عزيزة على نفسي واثرت الصفحة وافادتني كثيرا ولي عودة إليها بعد ان اجهز على " عديقي" بضربة نجلاء ثم أميل على مشرفنا الفاضل وأأكه أكا ومن بعده يزيد وأقلطه قلطا !
لكما ولمن مر مرور النسيم أزكى التحايا .
_________________
[QUOTE]بواسطة أبو أنس
سيطر على قلبك وانـا قبلـه احسبـك***قوي بـاس ومـا بقلبـك (مشكّـي)[/QUOTE]
اسمع يا أبا الفضل : لا تذهب بك الظنون بعيدا ! لازلت صاحبك الذي خبرت (صورة شنب معكوف) وأما الغزل الذي قرأت فأنت سببه !! نعم أنت ..ألم أقل لك اعرض عن هذا ؟! حسنا .. غزل غزل (اغصبني واتغيصب ) ولكن هل تطيق معي صبرا ؟ أنا متطرف في الحالين وشعاري : كلا طرفي قصد الأمور حميدووو :cool:
استغفر الله واتوب إليه <<<<<< بلع العافية يخاف يصدق ابو انس ونبلش / الحقيقة ياصديقي انني تعلقت الشعر منذ نعومة اظلافي تذوقا وحفظا وكنت - ولازلت - أميل إلى الهجاء و" الشدخ والمشادخ"ميل طبعي غريزي ولله في خلقه شؤون !! أما مايسمى بشعر الغزل فلا أذكر له وقع في نفسي الرقيقة الشفافة :p ! في المرحلة المتوسطة درسنا الأدب على يد أستاذ بل أديب سوداني فاضل وكنت طالب غير نجيب إلا في حصته ! سألني ذات روقان : ما رأيك بقول يزيد : نالت على يدها مالم ..... ؟ قلت : عندي ماهو أجمل منه !! قال : هات ، قلت : قول المتنبي : من علم الأسود الـ .... مكرمة ... !! فعبس الأستاذ وتولى وهو يقول : اعوز بالله منك اعوز بالله تأدب ياولد ، شعرت بذنب عظيم فأنا أحب ذلك الأستاذ ويشهد الله انني لم أقصد جرحه ولكن البيت تدفق على لساني بالفطرة ، ذهبت إلى غرفة المدرسين وقبلت رأسه ولا غضاضة ( ومن علمني حرفا...) وقلت : قسم بالله يا استاذ مو قصدي بس هذا البيت اللي جا على بالي ، قال : بس ياولدي انت مالك ومال الشعر الفاضي هذا ؟ قلت : كَذا خُلقت ومن ذا *** الذي يعاند ربه ؟! فضحك الأستاذ حتى فحص برجليه ( مبالغة.. الاصفهاني مو أحسن مني ) وقال : فين غريتا هذي الغصيدة عليك الله ؟ قلت :في مكتبة جدي ! فقال : وتحفظها ؟ قلت : تبي اسردها عليك ؟ قال : لا لاهذي الغصيدة من اغبح ما غالت العرب..اسمع يا ابني انتا مستغبلك غامض اما انك تصير شاعر كبير أو صايع كبير :D
وخاب ظن الأستاذ فلا أنا أصبحت شاعرا صغيرا ولا حتى داشرا محترما !!
الشاهد من العك أعلاه أن الغزل ماقام عندي ولاقعد ( هو فيه وقت علشان نحب ) أو نفي تهمة لا أكثر ولا أقل .. المهم نرجع لمحور حديثنا :

[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
هاتوا من تمور الحسا ( قلة ) خلاص = فاخر من اللي يكنزونه بجصة (1)
ولبو أنس صبوا فناجيل وقلاص = وقل له : تفضل ياسعد بالمنصة
واحذر تصير بصبة البن شرياص = في سلمنا الفنجال نملاه نصه
في مجلسٍ مافيه هاني ومشقاص = مجلس حرارٍ للمراجل نخصه
بعطيك علمي لو ماكنت قصاص = خذها قصيدة أو حكاية وقصة
والله.. فلاني للغنادير بصاص= ولاهمني مجدول هيلة وحصة
لكن بلوني يوم انا راكب الشاص = في ( الرندبوت) اللي ورا (جد حفصة) (2)
سيارته جنبي وقدامنا باص = ولاحولنا شرطي يهوجس برخصة
لفت علي.. والجيب فيه الكفر حاص = وارقى الرصيف وصار في الحلق غصة
والحق أبوها واسحب القير بالخاص = قصدي سحبت ( الهند) جنبه.. والصه (3)
وانزل ويرعصني من الزين رعاص = ياخي قمر ‍‍‍‍‍!! مدري القمر ما يعصة
شفت ( البرادة) لقترب جنبها ماص = هذا أنا ، والماص عينه وفصة (4)
وارجع ونادتني بغمزات (هصهاص) = قلت : العفو ‍! ما نيب عندك مقصة (5)
تضحك وأنا قلبي على جالكم غاص= هذا حكي ؟ قالت : أنا خوش لصة
يادرة البحرين يا اكة (الهاص) = قالت : تعال وخذ على الريج بصة (6)
عجيب !! صار الريم للذيب قناص = آخر زمن ! اشكي لِمن ؟ صج خبصة !![/poem]

(1) وجمعها قلال ، وردت في الحديث الشريف في وصف سدرة المنتهى { نبقها مثل قلال هجر} ولازال أهل الأحساء يستخدمونها
(2)" الرندبوت" وتعني في لهجة أهل البحرين : الدوار ( حق السيارات ) :D لفظة عجيبة من اطرف ما سمعت ولعل اصلها انجليزي : AROUND ABUT / و"جد حفص" قرية بحرينية ولكن حفص اصبح حفصة تمشيا مع هذا الزمن الاغبر الذي لا تفرق فيه بين الذكر والانثى
(3) هو "الهاند بريك" يعني الماكبح اليدويه .. وهذا التوضيح للحريم فقط علشان يعرفونه إذا ساقوا الله لا يقوله
(4) البُرَادَةُ..ما تساقط من الحديد أو الخشب عند برده.
(5)جاء في القاموس : الهصهاص هو :البَرَّاقُ العَيْنَيْنِ وكهُدْهُدٍ وحُلاحِلٍ القويُّ من الناسِ والأُسُودِ وهَصَّانُ بنُ كاهِلٍ بالفتحِ محدِّثٌ والمحدِّثونَ يَكْسِرونَه ولَقَبُ عامِرَ بنِ كعْب :eek: // من ناحيتي ما فهمت إلا براق العينين والباقي حسبي الله على اللي كتبه :rolleyes:
(6) الهاص اخو الديمن خخخخخخخ

[/RIGHT][/COLOR]

"احسدكم على سرعة تجاوبكم "
الشعر كالماء إن تحبس سواقيه = يأسن وإن يجري يعذب من سلسال

فالشعر إذا تهاونت بالمدة الزمنية بين بيت وآخر أو قصيدة اخرى ، نضب معينك
ولكن كما تلاحظنا ندخل في محاورات وردية آنية باستمرار وهذا ما يجعلنا حاضري
القريحه باستمرار .. فحياك الله معنا ، وليس من الضروري أن تقول أكثر من بيتين في كل مرة..
وفقك الله
تحياتي الطيبة

[COLOR="Blue"][RIGHT][QUOTE]فحياك الله معنا ، وليس من الضروري أن تقول أكثر من بيتين في كل مرة..[/QUOTE]حاولت يابوعبدالله بس مافيه فايدة !! الظاهر اني من ذوات الخلية الواحدة :) [/RIGHT][/COLOR]

تعال معنا في الردية والمحاورة
ورايح تشوف كيف تنطلق بسرعة

[poem=font="Simplified Arabic,5,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
اعرف ترى مانيب كاذب وهقّاص=واللي أقوله صدق معنى ونَصّه
اطرب الى شفتك ولك ود واخلاص=كل شارب(ن) ياخوي عندي مقصّه
ياطيّب السيره ولك موقع(ن) خاص=الله جعل لك في ضميري منصّه
وانتا من اللي للمواجيب قنّاص=بالحق صادح ما يجي فيك غصه
تستاهل الفنجال مبدا ومنكاص=لك نحمس الطبخه ولك بس اخصه
ياخوي حنا لك مشافيق وحراص=نهوى قصيدك وان حوى زود قصه
لذيذ قولك طعمته كنها خلاص=من دار هجر مضمدينه بجصه
وان كان تشكي من فعل فعلة الماص= سوا سواته والسبب بس بصه
من لفتت(ن) وحده وقطّيتها خراص=العيد جبته والرصيف بتقصه
فاعرف ترى هذا السحر ماحد(ن) حاص=منّه وقبلك سود الاشناب لصّه
اتعب صليب الراس لصّه بلصاص=تلقاه من عقب التعجرف مقصّه
ان لعب بالديمن نزل باكة الهاص=والا الولد يحوش كسبه يمصّه
الله خلق كل الضدايد بأشخاص=تلقى التناقض والعجايب بشخصه
رقه ولين ونظرة(ن) تقل مفراص=تصطي على قلبك والابهر تقصّه
والى هرج نغمه وتبنى على الداص1=تِطْرِب ولكن عقبها ألف غصّه
ما لوم قلبك لو تكهرب ولا ناص=ما يحتمل قلبي ولا نص نصّه
الفاتنات وحبهن في الحشا غاص=تملكن في القلب جاله وفصّه
في ذمّتي ماهن قليلات ورخاص=ولهن مع بيوت الشعر زود رقصه
جعلك تنول من المنى طعم الاجاص=طعم العنب والخوخ والتوت رصّه[/poem]

الداص تعبيرا عن الموسيقى (السلم الموسيقي)

[poem=font="Simplified Arabic,5,darkblue,normal,italic" bkcolor="transparent" bkimage="" border="none,4," type=2 line=0 align=center use=ex num="0,black"]
يامرحبا ببيوت شاعر وغواص=خصن الى من صار بيته يرصه
اطعم من الرمان واحلى من الجاص=الي من المملوح بيده يقصه
ابها من الياقوت والمع من الماص=وافخم من المرفوع فوق المنصة
باللي بدا بالبيت يطرب على اص=واللي يختم البيت زين على اصة[/poem]


الاخوة الاعزاء اسمحوا لي بس جازت لي الابيات وحبيت اجاريها
ولا كملت ما ادري ليش بس هذا الي جاكم اقبلوه او ارفضوه
واصلوا واحنا معاكم

الابداع دائمآ مغري ولا يقاوم

[poem=font="Simplified Arabic,6,red,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
الدرس هذا لازم له سعر خاص=واعطوا لمن حاز الأدب زود حصه[/poem]

أشهد بالله انكما ثنائيا أمتعتمونا ولازلتما كذلك

الشرقي
أبو أنس

لكما تحياتي

[poem=font="Simplified Arabic,5,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]

صوت وصدى يطرب لها شايب الهاص = ومعه الأكك والبنت غنت بغصه
وتاريخ حافل من منولوج مشقاص = واللي كشف للسر ما سلم عصه
ما فيه غصنٍ ما تمايل ولا حاص = ومنهو نكر ذلك فهذا يخصه
بين البحر والشط او رشفة قلاص = حس قديم ولو بقى منه نصه
سنايدي ياللي تحدر بمقناص = وجاب الخبر ماهاب عينٍ تتصه
وإلا المطوع لو توزى ورى الباص = يمشي ويعرف لو وقف وسط رصه[/poem]

ياسلام عليكم

ابداع وايما ابداع

تحياتي لكم جميعا

[poem=font="Simplified Arabic,5,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
كلن ترى يرقص على ايقاع رقّاص=وكلن يترجم ما يبيه ويخصّه
واللي يقول العشق تمثيل هقّاص=والزين كلن يشتهي منه بصّه
والناس قسم مفرط وقسمن حراص=ولايستوي هذا وهذا بحصه
ولو كل من يبغي القنص صار قنّاص=وما به قوانين وسلومن ورخصه
كلن شهر بارودته واتعب الشاص=يطلب خشيف الريم والحبل قصّه
وما كان يترك للفتى رشفة قلاص=أحدن رمى واحدن بقرشه يمصّه[/poem]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
باركب مع الركاب ياصاحب الباص = وانا معي لاشك للود رخصه
لاشك نظم الشعر في بحركم خاص = تزهي الدرر والقصر يشجيك جصه
نظم القوافي والحكم كنها رصاص = منطق سليم يكايد الي يلصه
من فكر متميز للاحداث خراص = بين المشاعر واضح اليوم شنصه
اصبحت خلف اثاركم مثل قصاص = وابني مع اهل القاف لو جات فرصه[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
فلاح حنّا لك ترى ربع وحراص=يزين معك القاف نظمه ورصه
تجوز لك زين المعاني وقنّاص=اتركز المنظار واتصيب فصه
اطرب ويطرب لك ترى سايق الباص=اقصد ترى الشرقي زعيم المنصه
القايد الربان ما احجم ولا ناص=يرسم صعيبات القوافي بنصه[/poem]

[RIGHT][COLOR="Blue"]معشر الفطاحلة ..
في الأبيات التالية من التكلف والحشو الشيء الكثير !! ‍‍‍‍"فزحلقوها" - جعلت فداكم- على ظاهرها من غير تأويل ولا تعطيل .. يقول الشرقي هداه الله :

[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياسعد يا اخوي ضيعت الملاذ = ياملاذي بعد رحمنٍ مُعيذ
وصف نفحاتك على الخاطر رذاذ= وطعم منطوقك على الصفحة لذيذ
قدرك بقلبي توزى ثم لاذ = لوذة الجوعان في قِدر الحنيذ
والقرار الصعب قوة اتخاذ = والشجاعة ما يهجدها (هذيذ)(1)
"صاحبي".. ياصاحبي للزين حاذ = واشهر السكين ناوي به( حذيذ)(2)
صورته في القلب ماتبغى( لجاذ) = وجرحهم من حبهم شف : له (خذيذ)(3)
قبلنا ناصر ومنصور ومعاذ = والحريقي ياسعد ايضا (بذيذ) (4)
لابساتٍ من حرير الصين (لاذ) = هم عذاب الروح والقلب(المريذ )(5)[/poem]

(1) الهذ سرعة السرد
(2) الحذ : القطع المستأصل نسأل الله السلامة
(3)اللِجَاذ الغِراءُ و خذيذا : الجرح سال صديده
(4) البَذِيذ المِثْل
(5) اللاَّذُ ثيابُ حرير تنسج بالصين واحتدته لاذَةُ // والمريذ هو المريض .. مشي حالك:) [/COLOR][/RIGHT]

[COLOR="Blue"][RIGHT]أبوزياد / سناعيس / المشرف العام/ فلاح ابن منشار
لكم الشكر والفضل ولي شرف معانقتكم من جديد بعد ان يجف الدم المسفوك أعلاه :) [/RIGHT][/COLOR]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
طاب نظم الشعر ياالشرقي هذاذ=من حلاوة ما قريته جا هذيذ
والمعاني كنها هتف الرذاذ=حيثها يمّك توجه يالذيذ
وان كبر قدر الهدف طاب الجذاذ=ياكبير القدر ربي لك يعيذ
وانت رجل(ن) قرم من ترثة فذاذ=ومن تعزوى بك فلا يصبح وخيذ
كيف تشكي من رمى سهمه ولاذ=مدعين قلبك على الصالي حنيذ
قلبه اشهد قاسين مثل الفلاذ=كيف ما يعطف على قلب(ن)بذيذ
كنّي بهرجه نغم ماهوب شاذ=وان ضحك يسكر ولو ماهو نبيذ
وانت يالصاحب تبي عنه الملاذ=كود يبقى لك من قليبك (فذيذ)1
ما أظن اللي وطى صمغ الجراذ=يقدر انه من مطيحه يستعيذ[/poem]

فذيذ أي شيئ قليل

[font=Simplified Arabic][size=4][color=#993366][align=center][B]

:rolleyes:

الله .. أكـبـــر !!

أعـيـذكـمـا .. بـ كـلـمـات .. الله .. الـ تـامـَّــة ..

مـن .. شــر .. مـا خـلـــق !!!

/

فـديـتـكـم .. لا تـوقـفــــون ..

:)

[/B][/align][/color][/size][/font]

[RIGHT][COLOR="Blue"][QUOTE]فـديـتـكـم .. لا تـوقـفــــون .. [/QUOTE]
إن شاء الله .. يعني تيب :) [/COLOR][/RIGHT]

[COLOR="Blue"]
[RIGHT] قاتل الله كيبوردي يا أبا أنس .. غره حلمك فاوغل في الهرطقة :)
عموما من البيت الثالث وانت نازل يُقرأ باللهجة الصعيدية مو السعودية .. [/RIGHT]

[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
سألت مرة صعيدي في معابد رَع = خبير .. من زود عقله انفجر مخه *
ليش المدينة كئيبة والشوارع وِع ؟ = ارجوك يابسطويسي علمكم بخه
قال : المعيز لما تبعد بيندهوها : تِع = و"الهم" معزى كبيرة !! متندهوش .. طُخه
فزورة الحزن يابني حلها في كِع = كعكع وفرفش ياوِلد النفط والجخة
واوعك تقول للمليح كلمة جفا أو لَع = واصحك تصاحب قليل الاصل والكُخة
وان مر شيخ الغفر وقف وقل له: هِع = بالك تسخسخ وتصبح في البلد سِخة
اشتر دماغك وطنش !! للمشاكل بع = وان شفت شي في طريقك واعجبك زخة **[/poem]

[RIGHT]* رع أو روح رع ..إله الشمس - استغفر الله - عند هبلاء المصريين
* * مع الاعتذار للمايسترو/ محمد مرشد ناgي:D [/RIGHT][/COLOR]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]

جبت يالشرقي لنا قافك بآذ = ثمن انهيته على حرفين "يذ"
لاتعقدها وفكر بالملاذ = لا انحشرت ولا لقيتَ لك مليذ
سهل القيفان تركض لك غذاذ= وابشر بسعدك بصحن من حنيذ
ومعه كبسة رز من مطعم معاذ = وفوقها كاسين من اصفى نبيذ
من حلال الكاس تلقى به نقاذ = وما تحرّم منه دايم نستعيذ
ولا امطرت فاطلع ترى بعض الرذاذ = ينعش الصلعان تلقى به نقيذ[/poem]

[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
الله عليك الله يالشرقي يامجدع=الشعر منك عسل حالي وله نخه
انته تهول العقل حتى الوله خفرع=لو مره عنك سمع يدبح لك الفرخة[/poem]
يااااااااااااااه علييييييييييييك
يااااااااااااااااااااراااااااااااااقل
انت هاااااااااااااااااااااااااايل

الفاضل الشريف الشرقي..............
للمتابعة معك متعة خاصه . ولمجاراتك رونق وبهاء
قد لاأستطيع مجاراتك والسير في فلكك وانت متجدد متنوع
ولكن اقبل ما أهذي به تواصلاً وامتداداً
ولي زيادة في التعلم والدرس
ولك في كل الأحوال تحية تشبهك أعرف قدرها ويعيه غيري
وهاك بعلل وخلل ان رفأته فهو من حسن ذاتك وهو المتوقع منك وان مججته فقومه وانا سامع مطيع

[poem=font="Simplified Arabic,5,darkred,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
نجمك طلع من شرق ياصاحبي يسطع=قلته وانا ادري كيف آذوق ذا الطبخه
ان صغت بالفصحى اقول ذا المجمع=وان قلت بالدارج جا في يدك فتخه
من لهجة اهل الشام ولسان اهل خفرع=حتى الرطينه منك ما تحتمل نفخه[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
دِه بسطويسي قال والقول دِه ينفع=إش وقعك بالحب دِه سكته وِسخه
ان كان لك صاحب غاوي ويتدلع=يلعب على الحبلين ما تقولش له كخه
اسمع لدحكاته وانتا بتستمتع=لو بيك يستهزأ يابوي مـ اتطخه
خل المراكب دي في الساقيه ترتع=لو قلبك المسكين يرجف كما الفرخه[/poem]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]

ذي حكمته وانتا... لك راس مايركع=الا لربي بس ياطيب الكشخه[/poem]

[COLOR="Blue"][RIGHT]شاعر العثمانيات الكبير
قافية الذال متعبة جدا بالنسبة لي !! صدقني أنا ما كتبتها إلا بعد مراجعة لسان العرب وبعض المواقع على النت وفي الاخير يجي الحبيب ابو انس وبكل بساطة يرد ( هذا اللي يقهرك ) وتجي انت وتكمل الناقص وتهذ آبوها هذ !
الله يعين وندور لنا على حرفٍ لايذ في الشرقية ماتعرفونه يا أهل نجد يمكن نقواكم :o
على العموم في قافية بتعجبك لاتباعد طال عمرك .

أبوزياد
هذي آخرتها !! فرخة :mad:
مقبولة بس تأكد قبل تذبحها ليكون مزكومة :D [/RIGHT][/COLOR]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
وين انت ياراعي القوافي الظريفه=اللي رقيت بها على راس مشراف
لبّستها خزّ(ن) جديد وقطيفه=وما اظنها للكل تعرف وتنشاف
نمّقتها وارسلتها لي نظيفه=ومنوعه من كل زينات الاصناف
انشدك ياراعي المهار العسيفه=انشدك وانتا نافل الكل عرّاف
عن لابس الشيله ولوهي خفيفه=يمشي يهز الخصر من فوق الارداف
هو له مقاصد خير بيضا شريفه= والا نوى قلب المتيم بلتلاف
ستير لكن الستاره شفيفه=اتزين المخفي وتبرزه باسراف
وش حيلتي فيمن يحط الغديفه=ستر على راسه وهي سم وزعاف[/poem]

[COLOR="Blue"][poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يامرحبا ياشيخ شقرا وريفه = ريف الضعيف اللي شكى ضيم والحاف
راعي الجناح اللي يشوقك رفيفه = في القيض برد وللمشتين مصياف
يشكي علي اللي عباته خفيفة = غروٍ يهز الخصر من فوق الارداف
الراي عندي يوم الاريا كسيفة = من راس قرمٍ ماتنهنه ولا خاف
أول تأكد وش ورا ذا الغديفه = كم واحدٍ قبلك ترى عاف ماشاف
بعض البني - واللي رفع سبع - شيفة = مكتوب في علباه " قابل للاتلاف"
حرام تذبح له من الذود جيفة = هذي عشاها ياسعد : جتّ واعلاف
يبي لها مليون فرشه وليفة = وديتول اصلي تفركه بين الاكتاف
تشبه جحيشٍ في براري منيفة =شين الحلايا والمزايا والاوصاف
لكن تغرك بالعباة الظريفة = وكحلٍ تبجه بالنواظر والاطراف [/poem][/COLOR]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
مدري علام الرجل ياخوي مطفوق=لاشاف له زول(ن)تكهرب وطقطق*
ثم اعتفس حاله من اسفله ليفوق=يضحك بسنه والمدامع ترقرق
ثم انقطع قلبه ولا فيه معلوق=يمشي بلا عقل(ن) مغير يتخقخق
من شاف زوله لامشى يذرع السوق=عزمه قوي والى لمح زول لقلق
لو كان عنده مثله الطاق مطبوق=يرخص والى شاف المغطين بقبق
وايعدل الهندام ويطيّر الموق=والى التفت يمّه تراه يتشقشق
يعيش فاوهام وخيالات وطروق=وان جا محل(ن) دشّه الخل نقنق
مرخي جيوبه بوكه اليوم محروق=يبغي الرضا واللي يبيه يتزقزق*[/poem]

* الرجل ـ المقصود به جنس الرجل وليس رجلا محدد
* الله يكرمكم ـضرورة القافيه أسفت بنا فاعذرونا
كما آمل العذر عن كل خلل وزلل فهي كيبوردية لم تنقح وليس لي عذر الا الكسل

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
اللي نظرها بطبق شيله خفيفه = لو هي تبي تغطي فلا ظنتي شاف
فاللي يغطي كاملٍ بالغديفه = لو به جمالٍ بيّنه لو هو انصاف
لكن سؤالي يالجبال المنيفه = وشلون بعض الناس رادار كشاف
يبحق بعينه كل حسناء ظريفه = واللي كديشه عنّها الطرف بعياف
حشاشة قليبه تبيّن رهيفه = حتى ولو يحلف بياسين او قاف[/poem]

[QUOTE=المشرف العام][poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
اللي نظرها بطبق شيله خفيفه = لو هي تبي تغطي فلا ظنتي شاف
فاللي يغطي كاملٍ بالغديفه = لو به جمالٍ بيّنه لو هو انصاف
لكن سؤالي يالجبال المنيفه = وشلون بعض الناس رادار كشاف
يبحق بعينه كل حسناء ظريفه = واللي كديشه عنّها الطرف بعياف
حشاشة قليبه تبيّن رهيفه = حتى ولو يحلف بياسين او قاف[/poem][/QUOTE]


[poem=font="Simplified Arabic,5,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
اظنك الرادار ماكثر لفيفه=والا على قول الورش شبه حذاف
دايم عيونك سارحات(ن) مخيفه=وان شفت لك هفوه يجي فيك خفخاف
كل من حكى في لابسات الغديفه=تنط في حلقه تقول انت لفاف
والله خلق في الكون ولف وليفه=وحط التجاذب بينهم مابه خلاف
وانا ترى قلبي خضر كالقطيفه=يهوى الجمال آقول هذا ولااخاف
لو انكره قالوا لي الناس جيفه=ميت مشاعر او معه زود اسراف
لكني امسك بالمعاني الشريفه=حذر(ن)ولا احب الخنا درب الاسفاف[/poem]

وانا ترى قلبـي خضـر كالقطيفـه=يهوى الجمال آقول هـذا ولااخـاف

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
هذا اعترافٍ واضحٍ بالصحيفه = ومن قبلها تنكر وبالحكي لفاف
مادام شاعر فالشعر له سفيفه = مثلك مثل غيرك فلالوم وخلاف
ومابه عسيب ما تحرش بليفه = ولا ليفة إلا لها شكل واصناف
البعض بشعه لا قربت مخيفه = والبعض ناعم تعكس النور بالصاف
وانته تبي الناعم وتصبح وليفه= يسحرك من طرفه ومن هزة ارداف
والطير ما يدري عيونه كفيفه = يومن تبرقع بعدها ما بعد شاف
[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
مدري انت كولمبو او انك حليفه=تترك دسيم الهرج وتلقط الحاف
او انت مثل اللي يبي زول جيفه=يكثر عليها النوح ويهز الاكتاف
ما قلت انا في يوم للزين عيفه=يشهد علي الشعر ومناظم القاف
قلبي الى شافه تزايد رفيفه=يسري شعوره لين ياصل للاطراف
بس اقهره عن كل خطوه سخيفه=أخاف من ربي واحسّب للاعراف
وانا ترى شاعر وللشعر ريفه=وصف العذارا حقل والشعر قطّاف
بس اسأل المولى يقدّي الحذيفه=ولا أجي في باقي العمر خرّاف[/poem]

الله الله الله الله
ابداع × ابداع

ما كنكم الا بني هلال يمشون ويقصدون ، حتى سوالفهم قصيد
ما شاء الله تبارك الله

واااااااصلوااا الله يعطيكم العافية

[QUOTE]أبو أنس
مدري علام الرجل ياخوي مطفـوق***لاشاف له زول(ن)تكهرب وطقطق* [/QUOTE]
[COLOR="Blue"][poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
قلب الرجل يا أبوأنس دوم محروق= ودمعه على الخدين دايم يرقرق
بلاه والله حلوة الخد والموق = الجادل اللي من نظرها تخقخق
مالوم قلبك ياسعد دوم محروق = ومالوم بؤبؤ عينكم يوم بقبق
شايفك يوم انك تجي من ورا السوق = كاشخ وموتركم جديدٍ ملقلق
رقمت لك وحده وثنتين برفوق = عصفور قلبك للمزايين زقزق *
ارحم بنات الناس يامنتهى الذوق = وارحم ولد هاشم توهق واق اق **[/poem]

[RIGHT]* من زقزقة العصافير
** وهقتاني - على قولة أهل منفوحة - ياأبوأنس .. اق اق عاد :) عز الله انك فطحل .. لكن مردودة لكم !! عط الحر فرصة بس :rolleyes:

وكتبه على عجل وخجل والجوال يرنع والشباب عند الباب / الشرقي[/RIGHT] [/COLOR]

[poem=font="Simplified Arabic,5,green,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يالهاشمي يازين ذاالليل مرقوق = تفكى على صاحبك ياخي ترفق
الطاير الي ورده بير مصفوق = خلاه في حب الخيالات يغرق
ياصاحبي ماللمشاعر بنا شوق = الا لحب القدس وجروح تحرق
هذا الزمان الي به الدين مطقوق= كم لي انتظر والحلم عيا ايتحقق
ياخوي سار الناس سارق ومسروق = والرشوه والتزوير نهر امتدفق
العاقل اضحى ياخوي كرت محروق = مايمشي الا راعي الحب الازرق
جتنا الفتن في بحرنا واعتلت فوق = هذا الفساد الي ظهر حيل مرهق
اظن هذي الملحمه لو بها طروق = اظن ماتخفى على من يدقق
اكلمك وترد لي وسط صندوق = لو قلتها في مامضى قالوا اخرق
اعذر خويك لو تولاه غرنوق = خلاه من سجاة روحه يبقبق[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]

قل يافلاح وقولك اليوم له ذوق=احلا من التين اللذي قد تشقق
وان كان تبغي لك طواريق وطروق=نظم القصيد الهادف اشهد تحقق
اسمعك واجاوب ولو وسط صندوق=عب الأثير ارسل حروفي واطقطق
واراسلك واسمع شكاويك بالموق=والدمع من عيني غلى الخد رقرق
يوم ان ذا الميار واحوالهم فوق=والحق واضح في المجامع يلقلق
واليوم ضاع الحق واغتصبت حقوق=وحنّا مغير بكل مجلس نخقخق
نشجب ونستنكر وهم حولنا طوق=مثل السوار بمعصم(ن) ضاق واقلق
ياطيب السيره عسى ما تجي عوق=وياعل فالك خيّر(ن)ويتحقحق[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
اليوم يوم اني على النت فاضي=نويت ابابدع نظم قافي على أض
واوجهه للّي تبين وناضي=هذا الشريف اللي للاحمال ينهض
الصاحب اللي ممتلي بالبياضي=نظيف ثوب مايجي دانس العرض
بيني وبينه واسعات الفياضي=لكنّ له في القلب منزل ومعرض
اشوف له يومين مااقبل وفاضي=ولا انبرى للشعر يفتل وينقض
وانا على الشاشه يزيد التحاضي=واقابل الكيبورد مع شاشة العرض
ياخوفتي كانه بها السوق خاضي=غاصت به الرجلين والقلب مختض
ان جا يبي القومه لحته الشواضي=وازرى به الممشى اجل كيف يركض
هو مالهذا السوق حاكم وقاضي=يكبح جماحه من عواديه يخفض
ثم (ن) يعوّد دربه الإفتراضي=يعل ينعش من قد اهواه وامرض
ياساكن(ن) بالشرق شرق الرياضي=ما ودّك تميّل علينا ولوعرض[/poem]

[RIGHT][COLOR="Blue"][QUOTE]وكتبه على عجل وخجل والجوال يرنع والشباب عند الباب / الشرقي[/QUOTE]
كتبت هذه العبارة وأنا لا اعلم ان الله - عز وجل - قد كتب ان الزم فراشي ليال ذات عدد بعد ان اكل مني فيروس الزكام ما ابقى فيروس النظام ( كلام كبير الله يستر ) واحسبها عين أحد الاعضاء فاتقوا الله أيها الأحبة وانفثوا ( مو تتفلوا) على معرفي كلما رأيتموه :D


[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
"فلاح ابن منشار في القلب جرحين = جرح الزمان وجرح :مانيب قايل"
وأكبر مصيبة شفتها شوف بالعين = شيٍ يخلي صامل العقل مايل
كلبٍ يجر خطاه مابين ضبعين = وينهش من لحوم الحرار الاصايل *
حتى الطفل!! تفوووووه ياكلب قزوين = من غدركم شاف الشقا والهوايل
حتى المصاحف في كفوف المصلين = احرقتها يامال حرق الجدايل
عزاه يابغداد وين الملايين = وين الجمال اللي تشيل الحمايل
اللي لها في موقف العز سيفين = ومن فعلها تصيح بالصوت : هااايل[/poem]* الكلب -حاشاكم- هو الحكومة العراقية الرافضية المجوسية والضبعين ايران وامريكا الله يلعن الثنتين .

[/COLOR][/RIGHT]